Шӯрои роҳбарони мақомоти иктишофи молиявии ИДМ муқовимат ба маблағгузории терроризмро баррасӣ кард
![](https://khovar.tj/wp-content/uploads/2017/11/Novyj-risunok-54.jpg)
ДУШАНБЕ, 30.11.2017 /АМИТ «Ховар»/. Дар шаҳри Москваи Федератсияи Россия ҷаласаи 10-уми Шӯрои роҳбарони мақомоти иктишофи молиявии давлатҳои аъзои ИДМ (ШРМКМ ИДМ) баргузор гардид.
Тавре аз Бонки миллии Тоҷикистон хабар доданд, дар ҷаласаи 10-уми Шӯрои мазкур намояндагони як зумра мақомоти иктишофи молиявии давлатҳо-иштирокчиёни ИДМ, аз ҷумла, намояндагони Департаменти мониторинги молиявӣ дар назди Бонки миллии Тоҷикистон фаъолона ширкат варзиданд.
Дар доираи кори ҷаласа як зумра масъалаҳои марбут ба фаъолияти гурӯҳи корӣ оид ба баҳодиҳии хавфҳою таҳдидҳо ва гурӯҳи корӣ оид ба муқовимат ба маблағгузории терроризм мавриди баррасӣ қарор гирифт.