Сомнатҳ Гош: «ITEC идомаи ҳамкории муштараки Тоҷикистону Ҳиндустон аст»
ДУШАНБЕ, 07.11.2017 /АМИТ «Ховар»/. Беш аз 200 нафар мутахассисони тоҷик, ки курсҳои таълимии ITEC- (Indian Technical and Economic Cooperation) Барномаи ҳамкории иқтисодию техникии Ҳиндустонро гузаштаанд, дар ҳамоише, ки ба ифтихори Рӯзи ITEC дар Маркази фарҳангии Ҳиндустон дар Душанбе доир гардид, ширкат намуданд.
Сафири Фавқулода ва Мухтори Ҷумҳурии Ҳиндустон дар Ҷумҳурии Тоҷикистон Сомнатҳ Гош мутахассисони тоҷикро ба Рӯзи ITEC табрик намуда, гуфт, ки шурӯъ аз оғози барномаи мазкур беш аз 1400 нафар шаҳрвандони Ҷумҳурии Тоҷикистон курсҳои махсуси омӯзиширо дар бахшҳои идоракунӣ, технологияи иттилоотӣ, забони англисӣ, рушди соҳибкорӣ, рушди деҳот, сайёҳӣ, энергияи барқароршаванда ва ғайра дар доираи Барномаи ITEC гузаштанд. Бо дахли ҳамкории гуногунсоҳаи Тоҷикистону Ҳиндустон дипломати ҳинд зикр кард, ки Тоҷикистону Ҳиндустонро аз қаъри асрҳо фарҳангу анъанаҳои муштарак бо ҳам мепайванданд ва дар замони муосир ба роҳ мондани омӯзиши мутахассисони тоҷик дар доираи барномаи ITEC идомаи ҳамкории муштараки илмию фарҳангии ду кишвар аст.
Ҳамзамон Сафири Ҳиндустон зикр кард, ки Ҳукумати Ҳиндустон ҳамчунин 25 стипендия барои мактабҳои олии Тоҷикистон ҷудо кардааст, ки алҳол 17 донишҷӯи тоҷик дар доираи ин барнома дар донишгоҳҳои Ҳиндустон таҳсил доранд.
Инчунин дар ҳамоиш мутахассисони тоҷик, ки дар доираи Барномаи ITEC дар Ҳиндустон курсҳои махсуси омӯзиширо гузаштаанд, таассуроти худро доир ба сатҳи таҳсил ва бозомӯзӣ дар доираи ин барнома баён карда, ба он баҳои баланд доданд.
Таъкид гардид, ки Барномаи ITEC на танҳо барномаи таълимӣ, балки замина дар самти таҳкими равобити дӯстӣ мебошад, зеро он мутахассисони гуногунсоҳаро аз қораҳои мухталифи дунё- Осиё, Африқо ва Амрикои Лотин бо ҳам ҷамъ оварда, муттаҳид месозад.
Дар анҷоми ҳамоиш аз ҷониби дастпарварони Маркази фарҳангии Ҳиндустон дар Душанбе барномаи консертӣ, ки аз суруду тарона ва рақсҳои ҷаззоби тоҷикию ҳиндӣ иборат буд, пешкаши иштирокдорон гардонида шуд.
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
