Ҳамкории дуҷонибаи Тоҷикистону Беларус дар соҳаи маориф ва илм рушд меёбад
ДУШАНБЕ, 20.12.2017 /АМИТ «Ховар»/. Дар мулоқоти Вазири маориф ва илми Ҷумҳурии Тоҷикистон Нуриддин Саид бо Сафири Фавқулода ва Мухтори Ҷумҳурии Беларус дар Ҷумҳурии Тоҷикистон Олег Николаевич Иванов ҳамкории дуҷониба дар соҳаи маориф ва илм муҳокима гардид.
Тавре аз Вазорати мазкур хабар доданд, зимни вохӯрӣ Сафири Фавқулода ва Мухтори Ҷумҳурии Беларус дар Ҷумҳурии Тоҷикистон Олег Иванов оид ба фаъолияти факултети муштараки Тоҷикистону Беларуси Донишгоҳи техникии Тоҷикистон ба номи академик М. С. Осимӣ, ихтисосҳои муштараки Тоҷикистону Беларуси Донишгоҳи миллии Тоҷикистон, баимзорасии Созишнома дар соҳаи таҳсилоти томактабӣ ва таъсиси Маркази маълумоти меъёрии ҳуқуқии Ҷумҳурии Беларус дар назди Донишгоҳи техникии Тоҷикистон ба номи академик М.С. Осимӣ ибрози андеша намуда, таклифҳои худро пешниҳод намуданд.
Зикр шуд, ки ҷиҳати вусъат бахшидани ҳамкорӣ бояд байни Маркази робитаҳои байналмилалии Вазорати маорифи Ҷумҳурии Беларус ва Маркази барномаҳои байналмилалии Вазорати маориф ва илми Ҷумҳурии Тоҷикистон шартнома баста шавад.
Пешниҳоди мазкур аз ҷониби Нуриддин Саид пазируфта шуд ва вазир зикр намуд, ки дар доираи Созишномаи байниҳукуматӣ имкон аст чунин як шартномаи дигар ба имзо расонида, ҳамкориро дар ин самт боз ҳам тавсеа бахшанд.
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Имрӯз дар Тоҷикистон ҳавои бебориш дар назар аст
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
