Ҷавонони тоҷик дар Донишгоҳи Васедаи шаҳри Токиои Япония мубодилаи таҷриба намуданд
ДУШАНБЕ 27.12.2017 /АМИТ «Ховар» /. Аз 9 то 22 декабри соли равон гурӯҳи 12-нафараи ҷавонони тоҷик аз Академияи илмҳои Тоҷикистон, Донишгоҳи миллии Тоҷикистон ва Донишгоҳи техникии Тоҷикистон ба номи академик М.С. Осимӣ ба факултети илм ва муҳандисии Донишгоҳи Васедаи шаҳри Токиои Япония сафар карданд.
Тавре аспиранти Академияи илмҳои Точикистон, ташкилкунандаи гурӯҳи мазкур Меҳрдод Қурбониён дар суҳбат бо хабарнигори АМИТ «Ховар» зикр кард: «Сафари баргузоргардида бо пешниҳоди банда ва бо ташаббуси профессори шуъбаи системаҳои электронӣ ва физикии факултаи илм ва муҳандисии Донишгоҳи Васеда Томоюки Ямамото ва ходими пешбари илмии Институти муттаҳидаи тадқиқоти ҳастаии шаҳри Дубна Холмирзо Холмуродов ба роҳ монда шуд»
Тавре маълум аст, сиёсати пешгирифтаи Хукумати Ҷумҳурии Тоҷикистон нисбат ба дастгирии ҷавонон сол аз сол густариш ёфта, махсусан ба ҷавононе, ки рӯ ба ҷодаи илм ниҳодаанд, тамоми имкониятҳо фароҳам оварда шуда, барои таҷрибаомӯзию донишомӯзии онҳо бо мамлакатҳои дӯст созишномаҳо ба имзо расидаанд.
«Гурӯҳи мо ба воситаи моделсозии квантӣ дар чаҳорчӯбаи назарияи функсионалии зичӣ ба омўхтани системаҳои физикие, ки дар қисмҳои нурафкани асбобҳои электронии муосир истифода мешаванд, машғуланд. Инчунин зимни сафари мо миёни Академияи илмҳои Тоҷикистон, Донишгоҳи техникии Тоҷикистон бо Донишгоҳи Васеда шартномаи ҳамкорӣ баста шуд, ки дар оянда барои боз ҳам бештар рушд намудани сатҳи ҳамкорӣ мусоидат менамояд»,-гуфт Меҳрдод Қурбониён.
Номбурда зикр кард, ки дар оянда низ ин гуна сафарҳоро роҳандозӣ менамоянд ва бо ин роҳ барои пешбурди фанҳои дакиқ дар мамлакат саҳм мегузоранд, зеро Пешвои миллат ҳамеша ва дар ҳама самт ҷавононро дастгирӣ ва ҳидоят менамоянд.
Маврид ба зикр аст, ки барномаи мубодилавии Сакура дар илм яке аз барномаҳои боэътимод ва машҳур барои мубодилаи мутахассисони соҳавӣ аз ҳисоби маблағи ҷоизадорони Ҷоизаи нобелии Япония дар соҳаи илмҳои дақиқ таъсис дода шудааст ва танҳо намояндагони соҳаи илми кишварҳои Осиё ба ин лоиҳа дастрасӣ доранд.
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
