Баррасии масъалаҳои рушди ҷомеаи шаҳрвандӣ ва таҳкими амнияти иттилоотӣ дар Душанбе

Декабрь 29, 2017 12:15

ДУШАНБЕ, 29.12.2017 /АМИТ «Ховар»/. Имрӯз бо ташаббуси  Маркази тадқиқоти стратегии назди Президенти Ҷумҳурии Тоҷикистон Конфронси илмиву амалӣ дар мавзӯи «Масъалаҳои рушди ҷомеаи шаҳрвандӣ ва таҳкими амнияти иттилоотӣ дар Тоҷикистон: вазъ ва дурнамо» баргузор гардид.

Тавре мухбири АМИТ «Ховар» аз ҷараёни баргузории ин ҳамоиш хабар дод, дар он намояндагони вазорату муассисаҳои дахлдори давлатии Тоҷикистон, пажӯҳишгарону коршиносон ва намояндагони воситаҳои ахбори омма иштирок намуданд.

Дар ҳамоиш коршиносон аз донишгоҳҳои гуногуни Ҷумҳурии Тоҷикистон ва ниҳодҳои қудратии ҷумҳурӣ иштирок намуда, оид ба мавзӯъҳои «Дирӯз, имрӯз ва фардои ҷомеаи шаҳрвандӣ дар Тоҷикистон», «Ҷойгоҳи ниҳодҳои динӣ дар ҷомеаи шаҳрвандии Тоҷикистон: вазъ ва дурнамо», «Иттилоот ва беиттилоотӣ- ангезандаҳои таҳдидкунанда ба амният дар асри 21», «Конститутсияи Ҷумҳурии Тоҷикистон дар бораи амнияти иттилоотӣ ва ҷомеаи шаҳрвандӣ» ва ғайра ибрози андеша намуданд.

Ба андешаи Виркан Музаффарпур, ходими калони илмии шуъбаи фалсафаи дини Пажӯҳишгоҳи фалсафа, сиёсатшиносӣ ва ҳуқуқи Академияи илмҳои Ҷумҳурии Тоҷикистон, вазъи имрӯзаи ҷаҳон, ки дар он гуногунии иттилоот, ҷангҳои иттилоотӣ ва равонӣ вобаста ба доштани иттилоот хеле муҳим аст, баргузор намудани ин гуна конфронсҳо метавонад барои таҳкими амнияти иттилоотӣ дар Ҷумҳурии Тоҷикистон мусоидат кунад. «Дар ҷаҳони имрӯза, дар олами мусулмонӣ ва минтақаи шарқи ҷаҳон, ки дин як воситаи истифода барои ҳадафҳои геополитикӣ гардидааст, мо бояд диққати асосиро дар сатҳи ҳифз ва амнияти иттилоотӣ ба соҳаи дин низ равона кунем ва барои дастрасӣ ба ин амал аз чораҳои барномарезишуда  истифода намоем»,-зикр намуд ӯ.

Конфронси илмию амалии ҷумҳуриявӣ давоми рӯз идома меёбад.

Декабрь 29, 2017 12:15

Хабарҳои дигари ин бахш

Дар Душанбе доир ба нақши оила дар рушди сармояи инсонӣ конференсияи байналмилалӣ доир шуд
АЗ ТАШАББУСҲОИ БАЙНАЛМИЛАЛӢ ИФТИХОР ДОРЕМ. Дар Донишгоҳи технологии Тоҷикистон Рӯзи ҷаҳонии футболро таҷлил намуданд
«МегаФон Тоҷикистон» интернет туҳфа менамояд
Ҳилоли Аҳмари Эрон дар бораи марги президент ва вазири корҳои хориҷии Ҷумҳурии Исломии Эрон иттилоъ дод
Изҳороти матбуотии Вазорати корҳои хориҷии Ҷумҳурии Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
Яке аз чархболҳои корвон бо ҳузури Президенти Эрон фуруди сахт анҷом дод
«МАОРИФ-АСОСИ ТАКМИЛ ВА РУШДИ ИНСОН». Таҳти чунин унвон китоби нав нашр гардид
Имрӯз дар ноҳияҳои алоҳидаи кӯҳию доманакӯҳии Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбанда пешгӯӣ мешавад
«ТОҶИКИСТОНИ МАН!». Дар шаҳри Ҳисор даври дуюми маҳфил-озмун ҷамъбаст карда шуд
Имрӯз дар баъзе ноҳияҳои Тоҷикистон борон меборад