Дар шаҳри Абу Забӣ ҷаласаи сеюми Комиссияи байниҳукуматӣ доир шуд
ДУШАНБЕ, 14.12.2017 /АМИТ «Ховар»/. Рӯзҳои 12-13 декабр дар шаҳри Абу Забӣ ҷаласаи сеюми Комиссияи байниҳукуматии Ҷумҳурии Тоҷикистон ва Амороти Муттаҳидаи Араб оид ба ҳамкории иқтисодӣ, тиҷоратӣ ва техникӣ баргузор шуд. Дар ин бора ба АМИТ «Ховар» аз Хадамоти гумруки назди Ҳукумати Ҷумҳурии Тоҷикистон хабар доданд.
Тибқи иттилои манбаъ, дар ҷаласаи мазкур намояндагони вазорату идораҳои дахлдор, аз ҷумла, муовини якуми сардори Хадамоти гумруки назди Ҳукумати Ҷумҳурии Тоҷикистон Хуршед Каримзода иштирок намуданд.
Дар ҷаласа масъалаҳо оид ба ҳамкории дуҷониба дар бахши тиҷоратию иқтисодӣ, сармоягузорӣ, бонкию молиявӣ, нақлиёт, сайёҳӣ ва дигар масъалаҳои мубрам мавриди баррасии тарафҳо қарор дода шуд.
Инчунин дар ҷаласа аз ҷониби муовини якуми сардори Хадамоти гумруки назди Ҳукумати Ҷумҳурии Тоҷикистон Хуршед Каримзода ва роҳбари кулли мақомоти федералии гумруки Амороти Муттаҳидаи Араб Моҳаммад Ҷума Буосаиба Созишномаи байни Ҳукумати Ҷумҳурии Тоҷикистон ва Амороти Муттаҳидаи Араб оид ба ҳамкорӣ ва ёрии байниҳамдигарӣ дар фаъолияти гумрукӣ ба имзо расонида шуд.
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Имрӯз дар Тоҷикистон ҳавои бебориш дар назар аст
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
