Дар Вазорати меҳнат, муҳоҷират ва шуғли аҳолӣ нуктаҳои асосии Паёми Пешвои миллат мавриди омӯзиш қарор гирифтанд
ДУШАНБЕ, 26.12.2017 /АМИТ «Ховар»/. Дар Вазорати меҳнат, муҳоҷират ва шуғли аҳолии Ҷумҳурии Тоҷикистон бо мақсади омӯзиши нуктаҳои муҳими Паёми солонаи Асосгузори сулҳу ваҳдати миллӣ–Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, ки 22 декабри соли 2017 пешниҳод гардиданд, ҷаласаи васеъ баргузор гардид.
Дар ҷаласа муовини якуми вазир Эмин Сангинзода зикр кард, ки Паёми Пешвои миллат раҳнамо ва барномаи амали ҳамаи вазорату идораҳо, сохторҳои давлатию ҷамъиятӣ ва шаҳрвандони ҷумҳурӣ барои фаъолият дар соли 2018 мебошад.
«Дар Паёми имсолаи хеш ба Маҷлиси Олӣ Пешвои миллат ҷиҳати таъсис додани корхонаҳои хурду миёна ва ба ин восита, давоми соли 2018 таъсис додани 110 ҳазор ҷойи кори доимӣ, бахусус барои занону ҷавонон супориш доданд. Инчунин рушди сайёҳӣ ва ҳунарҳои мардумӣ, баланд бардоштани сатҳи касбомӯзӣ дар муассисаҳои таълимӣ, ҷалби бештари занону ҷавонон ба омӯзиши касбу ҳунарҳои ба талаботи бозори меҳнат ҷавобгӯ ҳамчун масъалаҳои муҳим ва ҳалталаб муайян гардиданд. Бинобар ин масъулини вазоратро зарур аст, ки барои иҷрои саривақтӣ ва сифатноки дастуру супоришҳои Пешвои миллат тамоми тадбирҳои заруриро роҳандозӣ намоянд», — иброз дошт Э. Сангинзода.
Дар ҷаласа иштирокчиён андешаву бардоштҳои хешро аз Паём иброз дошта, таъкид намуданд, ки баҳри амалӣ намудани бандҳои Паёми Сарвари давлат тамоми саъю кӯшишро ба харҷ медиҳанд.
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
Маҷмааи эҳёи хотираи таърихӣ ва таҳкими ҳувияти миллӣ дар Душанбе метавонад чун маркази омӯзишӣ барои ҷавонон хизмат намояд
Имрӯз дар ноҳияҳои кӯҳӣ ва доманакӯҳии Тоҷикистон бориши борон ва барф дар назар аст
Имрӯз дар шаҳри Душанбе ҳавои тағйирёбандаи бебориш пешгӯӣ мешавад
Бо мақсади омӯзиши нуктаҳои асосии Паёми Президенти Тоҷикистон дар шаҳри Роғун ҳамоиш доир шуд
Дар Душанбе ҷашни Сада ва намоиши тухмии зироати кишоварзӣ баргузор мегардад
