ФУТЗАЛ: ҷоизадорони лигаи касбии футзали Тоҷикистон муайян шуданд
ДУШАНБЕ, 14.12.2017 /АМИТ «Ховар»/. Мавсими имсолаи лигаи касбии футзали Тоҷикистон бо пирӯзии дастаи «ДИСИ Инвест»-и Душанбе ба поён расид.
Тавре аз Федератсияи футболи Тоҷикистон ба хабарнигори АМИТ «Ховар» иттилоъ доданд, дастаи футзали «ДИСИ Инвест», ки бори чаҳорум чемпиони Тоҷикистон шуд, ба ҳаққи ширкат дар мусобиқоти Чемпионати бошгоҳии Осиё-2018 мушарраф гардид. Дастаи футзали «ДИСИ Инвест» аз 28 бозӣ дар 26-тоаш ғолиб омада, танҳо дар ду дидор мағлуб шуд ва бо 78 имтиёз мақоми аввалро касб намуд. Дастаи футзали «ДИСИ Инвест»-и Душанбе бо медалҳои тиллои мусобиқоти Чемпионати футзали Тоҷикистон мукофотонида мешавад.
Медалҳои нуқра бори аввал насиби дастаи «Сипар»-и шаҳри Хуҷанд гардиданд. Ин даста, ки 65 имтиёз дорад, мақоми дуюмро аз они худ кард. Ду даста – «Равшан»-и Кӯлоб ва «Соро компания»-и Душанбе 55-имтиёзӣ гирифтанд. Аз рӯи натиҷаи бозиҳо миёни онҳо дастаи футзали «Равшан» мақоми сеюмро соҳиб шуд ва бо медалҳои биринҷӣ сарфароз мегардад.
Бозингари дастаи «Равшан» Шодӣ Муродов, ки 46 тӯб задааст, беҳтарин нишонзани чемпионат номида шуд.
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Имрӯз дар водиҳои Тоҷикистон ҳаво 23 дараҷа гарм мешавад
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
