Консули фахрии Тоҷикистон «Консули сол»-и Германия эълон шуд

Декабрь 5, 2017 09:54

ДУШАНБЕ, 05.12.2017 /АМИТ «Ховар»/.  3 декабр дар шаҳри Берлин бо ташаббуси маҷаллаи дипломатии Германия «Diplomatisches Magazin» ҳамоиши солона баргузор шуд. Барои иштирок дар ин ҳамоиш беш аз 300 нафар намояндагони доираҳои сиёсӣ, иқтисодӣ, фарҳангӣ ва дипломатӣ даъват гардиданд. Дар ин бора аз Сафорати Тоҷикистон дар Германия ба АМИТ “Ховар” хабар доданд.

Дар доираи кори ҳамоиш бо қарори мушовараи маҷаллаи дипломатии «Diplomatisches Magazin» барои фаъолияти пурсамар ҷиҳати иҷрои масъулияти консули фахрӣ, саҳми муносиб дар муаррифии имрӯзи Тоҷикистон ва баргузор намудани чорабиниҳо ба хотири таҷлили рӯзҳои таърихӣ ва ҷашнҳои миллии Тоҷикистон дар Германия консули фахрии Тоҷикистон дар Ҳамбург ва Шлезвиг-Ҳолштайн Куруш Пуркиён бо ҷоизаи фахрии «Консули сол» сарфароз гардид.

Ҷоизаро дар фазои тантанавӣ сармуҳаррири маҷаллаи дипломатии «Diplomatisches Magazin» доктор Ирене Эрнст супорид. Куруш Пуркиён, аз ҷумла, иброз дошт: “Ҷумҳурии Тоҷикистон дар 26 соли соҳибистиқлолияш таҳти сарварии Пешвои миллат – Президенти Ҷумҳурии Тоҷикистон муҳтарам Эмомалӣ Раҳмон ба дастовардҳои назаррас ноил гардидааст. Ман ба ҳайси консули фахрӣ ифтихормандам, ки имкон дорам дар муаррифии таъриху фарҳанги куҳани миллати тоҷик ва дастовардҳои имрӯзи Тоҷикистон саҳми худро гузошта, бад-ин васила ба боло бурдани муносибатҳои гуногунҷабҳаи ду кишвари дӯст Тоҷикистону Германия мусоидат намоям”.

Сафири Тоҷикистон дар Германия Маликшо Неъматов ба Куруш Пуркиён барои фаъолияти пурсамар ба ҳайси консули фахрии Тоҷикистон ифтихорнома супорида, ба нишони эҳтиром ба ӯ хилъати миллӣ пушонид.

Ёдовар мешавем, ки Куруш Пуркиён шаҳрванди Германия буда, аз соли 2013 масъулияти консули фахрии Тоҷикистон дар заминҳои федеролии Ҳамбург ва Шлезвиг-Ҳолштайни Германияро ба уҳда дорад.

Декабрь 5, 2017 09:54

Хабарҳои дигари ин бахш

«ШИРКЕНТ»-И НОМДОР. Дар ин истироҳатгоҳ зиёда аз 1000 нафар таътили тобистонаро бофароғат гузарониданд
ИСТИФОДАИ САМАРАНОКИ ЗАМИН. Омӯзгори ташаббускор Намозалӣ Ашуров аз Восеъ дар кишоварзӣ ҳам мувафақ аст
Имрӯз дар Тоҷикистон ҳавои тағйирёбанда пешгӯӣ мешавад
Намояндагони Тоҷикистон дар Гурҷистон ва Арманистон мубодилаи донишу таҷриба менамоянд
СОЛИ МАЪРИФАТИ ҲУҚУҚӢ. Бахшида ба он дар ноҳияи Нуробод бо сокинон вохӯрӣ доир шуд
Имрӯз дар баъзе минтақаҳои Тоҷикистон чангу ғубор дар назар аст
Ҳайати Тоҷикистон дар ҷаласаи 65-уми Ассамблеяи Созмони ҷаҳонии моликияти зеҳнӣ иштирок намуд
Дар минтақаи Искандаркӯл давраи омӯзишии «Мубодилаи таълимӣ ва амалии намояндагони «Нозирони сабз» -2024» гузаронида шуд
Барои ҷавонони Тоҷикистон мактаби тобистонаи зиддикоррупсионӣ ташкил карда мешавад
ИСТИҚЛОЛИ ДАВЛАТӢ ВА ҲИФЗИ ДАСТОВАРДҲОИ ОН. Бо сокинону фаъолони ноҳияи Ҳамадонӣ вохӯрӣ доир шуд
12 ИЮЛ — РӮЗИ БАЙНАЛМИЛАЛИИ МУБОРИЗА БО ТӮФОНИ РЕГУ ЧАНГ. Дар Тоҷикистон тибқи Барномаи «Мамлакати сабз» то соли 2040 беш аз 2 миллиард дарахт шинонида мешавад
«ЗИМЧУРУД». Дар ин ҷо 1000 нафар хонанда ба истироҳат фаро гирифта мешавад