Миёни Академияи ВКД Тоҷикистон ва Донишгоҳи ВКД Россия дар шаҳри Красноярск ҳамкорӣ рушд меёбад
ДУШАНБЕ, 4.12.2017. /АМИТ «Ховар»/. Дар Академияи Вазорати корҳои дохилии Ҷумҳурии Тоҷикистон мулоқоти сардори Академияи ВКД Ҷумҳурии Тоҷикистон, номзади илмҳои ҳуқуқ, генерал-майори милитсия Файзалӣ Шарифзода бо намояндагони Донишкадаи ҳуқуқшиносии сибирии Вазорати корҳои дохилии Россия дар шаҳри Красноярск- генерал-майори политсия Медведев Игор Анатолевич ва ёрдамчии сардори ин муассиса оид ба робитаҳои байналмилалӣ, майори политсия Лотц Денис Николаевич доир гардид.
Тавре ба АМИТ «Ховар аз Вазорати корҳои дохилии Ҷумҳурии Тоҷикистон хабар доданд, вохӯрии мазкур дар доираи иҷрои Созишнома дар бораи тайёр намудани кадрҳо дар мақомоти корҳои дохилӣ (политсия) ва қӯшунҳои дохилии давлатҳо-иштирокчиёни Иттиҳоди Давлатҳои Мустақил, ки 25 майи соли 2007 дар шаҳри Сочи ва Созишнома оид ба ҳамкорӣ байни ВКД Ҷумҳурии Тоҷикистон ва ВКД Федератсияи Россия, ки 21 августи соли 2007 дар шаҳри Санкт-Петербург ба имзо расида буд, баргузор гардид.
Мақсади боздид аз Академияи ВКД Ҷумҳурии Тоҷикистон – ин ба имзо расонидани Созишнома, инчунин муҳокимаи самтҳои афзалиятноки ҳамкорӣ дар самти таълим ва илм, иштироки муштарак дар лоиҳаҳои илмӣ-таълимии байналмилалӣ байни донишгоҳи ВКД Россия дар шаҳри Красноярск ва Академияи ВКД Тоҷикистон буд.
Зимни вохӯрӣ роҳбарони ҳарду муассисаи олии таълимии низоми ВКД Созишнома оид ба ҳамкорӣ дар соҳаи маориф ва фаъолияти илмӣ байни Донишкадаи сибирии ВКД Россия ва Академияи ВКД Тоҷикистонро ба имзо расониданд.
Лозим ба ёдоварист, ки Донишкадаи ВКД Россия дар шаҳри Красноярск ягона муассисаи таълимии махсус дар ҷаҳон мебошад, ки мутахассисони мубориза бар зидди гардиши ғайриқонунии маводи нашъадор омода менамояд.
Муассисаи мазкур аз соли 1962 аввал ҳамчун мактаби миёнаи махсуси ВКД ва аз соли 1998 ҳамчун Донишкадаи ҳуқуқӣ фаъолият менамояд. Ҳоло дар ин муассиса беш аз 600 нафар намояндагон аз дигар давлатҳо мехонанд, ки аз ин ҳисоб 29 нафарашон аз Ҷумҳурии Тоҷикистон мебошанд.
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
