ПРЕЗИДЕНТИ БЕЛАРУС АЛЕКСАНДР ЛУКАШЕНКО: «МАН ТОҶИКИСТОНРО БИСЁР ДӮСТ МЕДОРАМ ВА ИНРО ПИНҲОН НАМЕДОРАМ»
ДУШАНБЕ, 04.12.2017 /АМИТ «Ховар»/. Президенти Беларус Александр Лукашенко дар мулоқот бо Президенти Ҷумҳурии Тоҷикистон муҳтарам Эмомалӣ Раҳмон, ки 1 декабри соли равон баргузор гардид, дар бораи муҳаббаташ ба Тоҷикистон нақл кард. Гузориши мулоқоти сарони ҳарду давлат тавассути телевизионҳои давлатии Тоҷикистон ва Беларус пахш гардид.
«Мо бо Шумо дӯстони деринаем. Ман Тоҷикистонро бисёр дӯст медорам ва инро пинҳон намедорам. Ман дар ватани Шумо будам. Аз деҳоти Шумо, истеҳсолот ва хоҷагии қишлоқатон дидан намудаам. Кӯҳҳоятонро дидаам ва аз болои онҳо парвоз кардаам», — гуфт А. Лукашенко.
Президенти Беларус афзуд, ки Душанбе ба ӯ хеле писанд аст: на танҳо зебоии шаҳр, балки номи ӯ. Лукашенко онро дилписанд ва форам хонд. А. Лукашенко табиати нотакрори Тоҷикистонро низ ёдовар шуд. Ӯ зимни сухарониаш борҳо кӯҳҳо ва дарёҳои зебои Тоҷикистонро ёд овард.
«Ман аллакай дар тамоми гӯшаву канори ҷаҳон будам, вале чунин зебоиро дар ягон ҷо надидаам. Мехостам муносибатҳои мардумонамон низ чунин зебо бошанд», — изҳор дошт ӯ.
Ҳамзамон А. Лукашенко таъкид дошт, ки имрӯз ба Тоҷикистон муяссар гардидааст, ки бо ҳамсояҳои худ, махсусан бо Ӯзбекистон муносибатҳои хеле хуб ба роҳ монад.
Дар навбати худ Президенти Тоҷикистон Эмомалӣ Раҳмон зикр намуданд, ки Ҷумҳурии Тоҷикистон ин дӯстиро баланд арзёбӣ мекунад ва мардуми тоҷик ба Президенти Беларус эҳтиром доранд.
Имрӯз дар баъзе ноҳияҳои Тоҷикистон борон меборад
Дар ноҳияи Лахш бо усули «Деҳа ба деҳа» ва «Маҳалла ба маҳалла» суҳбату вохӯриҳо доир гардид
Бахшида ба 100-солагии Омӯзгори хизматнишондодаи Тоҷикистон Хосият Махсумова ҳамоиши илмӣ-маърифатӣ баргузор шуд
Муассисаҳои таълимӣ ва тандурустии ноҳияи Шаҳринав барои давраи тирамоҳу зимистон омода карда шуданд
Имрӯз дар доманакӯҳои Тоҷикистон ҳаво то 20 дараҷа гарм мешавад
АГЕНТИИ ОБУҲАВОШИНОСӢ ОГОҲ МЕНАМОЯД. Аз 2 то 5 ноябр дар Тоҷикистон борону барф пешгӯӣ мешавад
«LONELY PLANET»: Маконҳое, ки дар Тоҷикистон ҳатман бояд онҳоро тамошо кард
САРНАВИШТИ ЗАНИ САЗОВОР. Бахшида ба 100-солагии Омӯзгори хизматнишондодаи Тоҷикистон Хосият Махсумова китоб ба нашр расид
ДАЪВАТИ ТИРАМОҲӢ. Нақшаи даъвати ҷавонон ба хизмати ҳарбӣ беш аз 92 фоиз иҷро шуд
Хонандагони ноҳияи Шоҳмансури шаҳри Душанбе дар се озмун ҷойи якум гирифтанд
Эҳтиром ва риояи ҳатмии Конститутсия ва қонунҳо вазифаи ҷониву виҷдонии ҳар шаҳрванд аст
Имрӯз дар водиҳои Тоҷикистон ҳаво то 25 дараҷа гарм мешавад
