Дар Боғи фарҳангӣ-фароғатии «Дӯстии халқҳо» ҷашни Сада бошукӯҳ таҷлил мешавад
ДУШАНБЕ, 19.01.2018. /АМИТ «Ховар»/. 30 январи соли равон, соати 12:00 дар Боғи фарҳангӣ-фароғатии «Дӯстии халқҳо» ҷашни Сада бо шукӯҳу шаҳомати хосса таҷлил карда мешавад.
Дар ин бора ба АМИТ «Ховар» аз маркази матбуоти Вазорати фарҳанги Ҷумҳурии Тоҷикистон хабар доданд.
Ба иттилои манбаъ, дар барномаи ҷашнӣ намоиши маҳсулоти ҳунарҳои мардумӣ, намоиш ва фурӯши ниҳолҳо ва гулу буттаҳо, намоиш ва фурӯши маснуоти хоҷагидорӣ ва кишту кор, инчунин барномаи консертии устодони санъати тоҷик дар назар аст.
Барномаи идонаро озмуни ҷашнӣ дар чор бахш — дастархони Сада, ниҳолҳои мевадиҳанда, ниҳолҳои сояафкан ва гулу буттаҳо, суруди беҳтарин дар васфи Сада боз ҳам шавқовартар мегардонад.
Барои дӯстдорони рақсу суруд ва оҳангҳои ҷолиб барномаи ҳунарии устодони санъати тоҷик ва ҳаваскорони ҷавон пешкаш карда мешавад.
Дар назар аст, ки дар барномаи консертӣ устодони варзидаи санъат Афзалшо Шодиев, Қурбоналӣ Раҳмонов, Муҳаррама Шарипова, ансамблҳои рақсии «Ҷаҳоноро» ва «Чаман», ҳунарпешагон Ҳақназари Ҳукумзод, Ҳақназар Аловатов, Ҳангома Хушназарова ва дигарон ҳунарнамоӣ кунанд.
Китоби «Аз забони ориёӣ то забони тоҷикӣ» ба нашр расид
Сахидод Раҳматуллозода: «Ба фарзандонатон номҳое гузоред, ки дар оянда аз он ифтихор намоянд»
Филми ҳунарии «Моҳӣ дар шаст» дар Кинофестивали VII байналмилалии «Дарвозаҳои ғарб» соҳиби Шоҳҷоиза шуд
Директори АМИТ «Ховар» дар Форуми воситаҳои ахбори омма ва марказҳои таҳлилии СҲШ дар Бишкек иштирок намуд
Имрӯз дар Бишкек Форуми воситаҳои ахбори омма ва марказҳои таҳлилии Созмони ҳамкории Шанхай баргузор мегардад
Рӯзи фарҳанги ноҳияи Данғара бо шукуҳу шаҳомати хосса баргузор гардид
Имрӯз дар Душанбе рӯзҳои фарҳанги ноҳияҳои Шаҳристон ва Кӯҳистони Мастчоҳ доир шуд
Имрӯз дар боғҳои шаҳри Душанбе рӯзҳои фарҳанги ноҳияҳои Данғара, Шаҳристон ва Кӯҳистони Мастчоҳ баргузор мегарданд
Рӯзи фарҳанги ноҳияи Деваштич дар Душанбе баргузор гардид
Дар Душанбе Рӯзи фарҳанги ноҳияи Хуросон доир шуд
Рӯзи фарҳанги ноҳияи Айнӣ дар шаҳри Душанбе пуршукуҳ баргузор гардид
Имрӯз дар боғҳои шаҳри Душанбе рӯзҳои фарҳанги ноҳияҳои Айнӣ, Хуросон ва Деваштич баргузор мегарданд
