Дар Соли рушди сайёҳӣ ва ҳунарҳои мардумӣ дар Хуҷанд силсилабарномаҳои ҳунармандӣ баргузор мешаванд
ХУҶАНД, 26.01.2017. /АМИТ «Ховар»/. Дар Кохи «Суғдиён»-и шаҳри Хуҷанд намоиши ҳунарҳои дастии мардуми Хуҷандшаҳр баргузор гардид.
Дар намоиш маҳсули дасти ҳунармандони маркази вилоят, чун сӯзанидӯзӣ, зардӯзӣ, рӯймолдӯзӣ, ҷомадӯзӣ, қолинбофӣ, қуроқдӯзӣ, кешбофӣ, ҳунари рассомон, сандуқсозон ва косибон пешниҳоди меҳмонону иштирокдорон гардонида шуд.
Ҳамзамон дар гӯшаи дигар маҳсули дасти пазандагони анвои қаннодии миллӣ – нишолло, набот ва дигар шириниҳо ҷой дода шуда, ҳар иштирокчӣ тавонист доир ба омода намудани ин шириниҳо маълумот пайдо намояд.
Ба иттилои хабарнигори минтақавии АМИТ «Ховар», раиси шаҳри Хуҷанд Маъруф Муҳаммадзода ва Шоири халқии Тоҷикистон Фарзона аз намоиш ва растаҳои намоиши ҳунармандон дидан намуданд.
Шаҳрдори Хуҷанд таъкид дошт, ки дар такя ба иқдоми пешгирифтаи Пешвои миллат муҳтарам Эмомалӣ Раҳмон Мақомоти иҷроияи ҳокимияти давлатии шаҳри Хуҷанд тасмим гирифтааст, ки дар Соли рушди сайёҳӣ ва ҳунарҳои мардумӣ силсилабарномаҳои ҳунармандӣ доир намуда, ҳунарҳои асилу қадимии мардуми Хуҷандшаҳрро эҳё ва ташаккул диҳад. Дар робита ба ин соли равон маблағи гранти раиси шаҳр 120 ҳазор сомонӣ муайян гардидааст.
Ҳамзамон таъкид гардид, ки имрӯз дар ҳудуди шаҳр 5 маркази таълимии атласу адрасбофӣ амал намуда, давоми соли 2017 аз ҷониби адрасбофон 12 000 метр адрас истеҳсол гардидааст.













Бахшида ба Рӯзи Президент дар пойтахт хатсайрҳои сайёҳии маърифатӣ ташкил карда шуданд
РӮЗИ ПРЕЗИДЕНТИ ТОҶИКИСТОН — РӮЗИ АРҶГУЗОРӢ БА МЕЪМОРИ СУЛҲУ ВАҲДАТИ ТОҶИКОН ДАР АРСАИ ҶАҲОНӢ. Андешаҳо дар ин маврид
Дар Фестивали сайёҳӣ дар Покистон ҳунарҳои мардумӣ ва дастовардҳои Тоҷикистон муаррифӣ гардиданд
Доир ба ҳолати пиряхҳои Тоҷикистон дар шароити тағйирёбии иқлим машғулияти илмӣ баргузор шуд
Дар нуҳ моҳи соли 2026 ба Тоҷикистон беш аз 1,5 миллион сайёҳ ташриф оварданд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
Ҳайати Тоҷикистон дар Намоишгоҳи байналмилалии сайёҳии WTM дар Лондон иштирок дорад
Иқтидорҳои сайёҳии Тоҷикистон дар Намоишгоҳи байналмилалии сайёҳии «World Travel Market — 2026» дар шаҳри Лондон муаррифӣ мешаванд
Дар нуҳ моҳи соли 2026 беш аз 15 ҳазор аъзои иттифоқи касаба ба солимгардонӣ фаро гирифта шуданд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Имкониятҳои сайёҳии Тоҷикистон ба гардишгарони ҳавзаи Шурои ҳамкории кишварҳои арабии Халиҷ муаррифӣ гардиданд
Дар Дарвоз Конференсияи байналмилалии «Сайёҳии устувор ва рушди зеҳни сунъӣ дар шароити муосир» баргузор шуд






