Ширкати IRS: «Боришоти барф шадид аст, вале роҳи Душанбе – Чаноқ кушода аст»
ДУШАНБЕ, 09.01.2018 /АМИТ «Ховар»/. Дар ҳоле ки дар пойтахти мамлакат ва баъзе шаҳру навоҳии ҷумҳурӣ аз барф нишоне нест, дар масири роҳи Душанбе – Чаноқ, хоса аз километри 47 то 84 –ум бориши шадиди барф падидаи маъмул аст. Бориши барф аз 26 ноябр шурӯъ гардида, алҳол бо таваққуфи кӯтоҳмуддат идома дорад.
Дар ин бора аз маркази матбуоти филиали ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон ба АМИТ «Ховар» хабар дода, зикр карданд, ки бо дарназардошти ҳолати мавҷуда, кормандони филиали ширкати мазкур ҷиҳати таъмини ҳаракати муназзаму бемонеаи воситаҳои нақлиёт дар ин роҳ тадбир меандешанд. Бо ин мақсад ба таври шабонарӯзӣ навбатдорӣ ташкил шуда, кормандони филиал дар маҳалле, ки боришот нисбатан шадид аст, қарор дошта, роҳро мунтазам бо маводи зиддилағжиш коркард менамоянд.
Техникаҳои филиали Ширкат дар ҳолати омодабош қарор дошта, дар хонаҳои устои роҳ барои муваққатан ҷойгир намудани онҳое, ки дар роҳ бинобар иллат пайдо намудани воситаи нақлиёташон дармондаанд, шароит фароҳам оварда шудааст. Ба ғайр аз ин, хати доимоамалкунандаи филиали Ширкат бо шумораи 487011020 фаъол аст, ки тавассути он тамоми муроҷиатҳо қабул ва дар ин замина тадбирандешӣ сурат мегирад.
Мутаассифона, бо вуҷуди ба роҳ мондани корҳои фаҳмондадиҳӣ, як идда ронандагон бе омодагӣ (манзур набудани занҷир, аз ҷиҳати техникӣ комил набудани воситаи нақлиёт ва ғайра) ба роҳ мебароянд. Дар натиҷа чунин ронандагон дар роҳ ба мушкилӣ мувоҷҷеҳ гардида, барои ҳаракати дигар воситаҳои нақлиёт монеа эҷод менамоянд.
Бояд ёдовар шуд, ки филиали Ширкати саҳомии «Иновейтив Роуд Солюшнз ЛТД» дар Ҷумҳурии Тоҷикистон ҷиҳати таъмини ҳаракати муназзаму бемонеаи воситаҳои нақлиёт дар фасли сармо омодагии ҳамаҷониба гирифтааст ва аз тамоми ронандагон хоҳиш менамояд, ки пеш аз сафар воситаи нақлиёти худро аз муоинаи техникӣ гузаронида, дигар воститаҳои техникиро, ки ҳангоми ҳаракат дар ҳолати боридани барфу борон зарурати истифодаи онҳо ба миён меояд, бо худ гиранд.
Ба поси хотири оҳангсоз Шарофиддин Сайфиддинов консерти мусиқии камеравӣ баргузор шуд
Саҳм ва хизматҳои Баҳром Сироҷов дар рушди соҳаи энергетикаи Тоҷикистон назаррас аст
Интернети мобилӣ дар ҳаҷми ду маротиба бештар дастрас мешавад
Имрӯз дар Тоҷикистон бориши барф дар назар аст
Намояндагони Агентии байналмилалии неруи атомӣ бо фаъолияти муассисаҳои соҳаи тандурустии Тоҷикистон шинос шуданд
Дар Минтақаи таълимӣ-таҷрибавии «Хуррамзамин» 2200 бех ниҳоли мевадиҳанда шинонида шуд
Дар назди Донишгоҳи технологии Тоҷикистон Маркази таълими забони кореягӣ ва омодасозии касбӣ ифтитоҳ гардид
Имрӯз дар Тоҷикистон бориши борон ва барф дар назар аст
Татбиқи «Барномаи рушди иҷтимоию иқтисодии ноҳияи Роштқалъа барои солҳои 2021-2025» баррасӣ гардид
ГРАНТИ ПРЕЗИДЕНТӢ. Занони хоҳишманд метавонанд лоиҳаҳои грантии худро пешниҳод намоянд
«АМНИЯТИ ОЗУҚАВОРӢ-КАФИЛИ СОЛИМӢ ВА ДАРОЗУМРӢ». Дар ин мавзуъ конференсияи илмӣ гузаронида шуд
Имрӯз дар баъзе ноҳияҳои Тоҷикистон бориши борон ва барф дар назар аст
