Тренерони сатҳи миллӣ маҳорати касбии омӯзгоронро такмил медиҳанд
ДУШАНБЕ, 9.01.2018. /АМИТ «Ховар»/. Имрӯз дар Китобхонаи миллии Тоҷикистон барои тренерони сатҳи миллӣ семинари омӯзишӣ баргузор гардид. Семинари мазкур бо ташаббуси Вазорати маориф ва илми Ҷумҳурии Тоҷикистон дар доираи барномаи «Дастгирии таҳсилоти босифат» аз 9 то 13 январи соли равон идома меёбад.
Тавре хабарнигори АМИТ «Ховар» аз ҷараёни семинар иттилоъ медиҳад, ҳамоиш дар асоси маводи таҳияшуда (Модули омӯзишӣ оид ба татбиқи муносибати салоҳиятнокӣ дар таълими фанҳои табиӣ ва технологияи иттилоотӣ) доир гардида, дар натиҷаи омӯзиш зиёда аз 30 нафар тренер барои омӯзонидани 250 нафар мутахассис ба ҳайси тренерони сатҳи миллӣ омода мешаванд.
Дар ҳамоиш зикр гардид, ки лоиҳаи мазкур мураккаб буда, аз панҷ қисм иборат аст. Қисмати якуми он такмили маҳорати касбии омӯзгорон, қисмати дуюми барнома арзёбии дониш, қисмати сеюм банақшагирии буҷет назорат ва татбиқи соҳаи маориф, қисмати чорум таҳия ва татбиқи барномаҳои таълимӣ, ки дар ин ҷода ба панҷ фани таълимӣ диққат бояд дод (биология, химия, биография, технологияи иттилоотӣ, физика), қисмати панҷуми барнома ба роҳ мондани таҳқиқоти педагогӣ мебошад, яъне корҳои омодагӣ барои гузаронидани таҳқиқоти педагогӣ равона гардидаанд.
Асрор Алиев, мушовири Лоиҳаи «Дастгирии таҳсилоти босифат» ҳадафи ҷамъомади мазкурро омода намудани тренерони сатҳи миллӣ, ки дар навбати худ онҳо дар минтақаҳо омӯзгоронро бо муносибати салоҳиятнок шинос намуда, барои татбиқи муносибати мазкур дар муассисаҳои таълимӣ тайёр менамоянд, арзёбӣ намуд.
«Дар семинари панҷрӯза мафҳуми салоҳият ва салоҳиятнокӣ дар соҳаи маориф, асосҳои назариявии методҳои таҳқиқотӣ оид ба ташаккули салоҳиятҳои асосии хонандагон, асосҳои назариявии арзёбии ташаккулдиҳанда, ки ба рушди салоҳиятҳои хонандагон мусоидат менамоянд, махсусияти пурсиши шифоҳӣ ҳамчун усули ташаккулдиҳандаи салоҳиятҳои асосии хонандагон, методологияи банақшагирии дарс дар асоси муносибати салоҳиятнокӣ ва амсоли инҳо мавриди омӯзиш ва таҳлилу баррасӣ қарор дода мешаванд»,-иброз дошт Асрор Алиев.
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
Намояндагони воситаҳои ахбори омма бояд дар муаррифии дастовардҳои Тоҷикистон нақши муассир дошта бошанд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
