ДАР БАЙНИ МО БА ХУРОФОТ ҶОЙ НЕСТ!! Намоиши «Обу оташ» зарурати ҳамзистии осоиштаро дар ҷомеаи демократии дунявӣ бори дигар таъкид месозад
ДУШАНБЕ, 8.02.2018. /АМИТ «Ховар»/. Имрӯз дунёи мураккабу пурихтилоф бештар собит месозад, ки танҳо бо роҳи музокирот ва гуфтугӯи тамаддунҳо метавон муваффақу комёб гардид ва сулҳу суботу ҳамдигарфаҳмӣ ба даст овард. Намоиши дишабаи пешкашнамудаи ҳунармандони Театри давлатии академӣ-драмавии ба номи Абулқосим Лоҳутӣ маҳз ин гуна муҳтаво дошт.
«Намоиши мазкур аз рӯи асари «Обу оташ»- и Мансур Суруш таҳия гардида, дар бораи зарурати ҳамзистии осоишта дар ҷомеаи демократии дунявӣ қисса мекунад ва таъкид месозад, ки дар байни мо бояд ба хурофот, аз ҷумла хурофоти динӣ бояд ҷой набошад. Ва ин маънӣ имрӯз дар тамоми дунё аз мавзӯъҳои доғи рӯз маҳсуб меёбад»,- изҳор дошт коргардони намоишнома Ҳунарпешаи халқии Тоҷикистон Шералӣ Абдулқайс.
Шералӣ Абдулқайс афзуд, ки барои зистан ҳамзистӣ мебояд ва ин асар ифодакунандаи набзи ҳаёти имрӯза буда, мардумро ба муттаҳидӣ ва бародарӣ даъват мекунад, ки ин ҳадаф дар моддаи 26-и Конститутсияи Ҷумҳурии Тоҷикистон низ дарҷ гардидааст:
«Ҳар кас ҳуқуқ дорад муносибати худро нисбат ба дин мустақилона муайян намояд, алоҳида ва ё якҷоя бо дигарон динеро пайравӣ намояд ва ё пайравӣ накунад, дар маросим ва расму оинҳои динӣ иштирок намояд ё иштирок нанамояд».
«Динҳои ҷаҳонӣ дар асли худ мардумро ба ростию адолатпешагӣ ва накӯкорӣ ҳидоят мекунанд. Мутаассифона, на ҳамеша таълимоти динҳо дуруст риоя мешавад, ки ин боиси барангехтани ҷангу ҷидол ва сар задании амалҳои номатлуб, аз ҷумла экстремизму терроризм мегардад»,- мегӯяд муаллифи асар Мансур Суруш.
Нависанда ҳамчунин илова намуд, ки фикру андешаҳои одамон гуногун аст ва мардумро бояд водор кард, ки ақидаи ҳамдигарро эҳтиром намуда, новобаста аз дину мазҳаб, миллату нажод дар фазои дӯстию рафоқат умр ба сар баранд.
Дар спектакл Хунарпешаҳои халқии Тоҷикистон Носир Ҳасанов, Ортиқ Қодиров, Муҳаммадҷон Шодиев, инчунин ҳунармандони маъруф Сония Наврӯзова, Салоҳиддин Шукуров ва дигарон нақшҳои асосиро иҷро намуданд.
Дар баргузории намоиши «Обу оташ» як зумра адибон, дӯстдорони каломи бадеъ ва санъати волои театр, инчунин кормандони АМИТ «Ховар» низ ширкат варзида, аз тамошои он лаззати маънавӣ бардоштанд.
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
