Дар Душанбе иҷлосияи чордаҳуми Маҷлиси миллии Маҷлиси Олии Ҷумҳурии Тоҷикистон, даъвати панҷум баргузор мегардад

ДУШАНБЕ, 03.02.2018 /АМИТ «Ховар»/.  16 феврали   соли 2018 дар шаҳри Душанбе  иҷлосияи  чордаҳуми  Маҷлиси миллии Маҷлиси Олии Ҷумҳурии Тоҷикистон  даъвати панҷум баргузор мегардад.

Дар ин бора қарори Раиси Маҷлиси миллии Маҷлиси Олии Ҷумҳурии Тоҷикистон «Дар бораи даъвати иҷлосияи чордаҳуми  Маҷлиси миллии Маҷлиси Олии Ҷумҳурии Тоҷикистон  даъвати панҷум» ба тасвиб расид.

Аз палатаи болоии Парлумони Тоҷикистон ба АМИТ «Ховар» иттилоъ доданд, ки  иҷлосияи  чордаҳуми  Маҷлиси миллии Маҷлиси Олии Ҷумҳурии Тоҷикистон  даъвати панҷум  16  феврал,  соати 9:00  дар шаҳри  Душанбе доир  гардида, дар   рафти он баррасии  қонунҳои  Ҷумҳурии Тоҷикистон «Дар бораи ворид намудани  тағйир ба Кодекси андози Ҷумҳурии Тоҷикистон»,  «Дар  бораи  ғалла  ва маҳсулоти коркарди он», «Оид ба ворид намудани тағйиру иловаҳо ба  Қонуни Ҷумҳурии Тоҷикистон «Дар бораи зотпарварӣ», пешниҳоди Ҳукумати Ҷумҳурии Тоҷикистон «Оид ба иваз намудани номи шаҳрҳои Қӯрғонтеппа ва Сарбанд, ноҳияи Бохтар,  шаҳраки Восеъ ва деҳаи Қурбоншаҳиди ноҳияи Восеъ, деҳаҳои Шота Руставелӣ, Тошохур ва Будинободи ноҳияи Ёвони вилояти Хатлон»,  ҳисоботи Прокурори генералии Ҷумҳурии Тоҷикистон «Дар бораи назорати риояи дақиқ ва иҷрои якхелаи  қонунҳо дар ҳудуди Ҷумҳурии Тоҷиистон дар соли 2017»  ва як зумра  қонунҳои дигари қабулнамудаи  маҷлиси намояндагони Маҷлиси Олии Ҷумҳурии Тоҷикистон дар назар дошта шудаааст.