Раиси шаҳри Душанбе ба сокинони деҳоти дурдасти водии Бартанги ноҳияи Рӯшон кумаки моддӣ расонд
РӮШОН, 1.02.2018 /АМИТ «Ховар»/. Раиси шаҳри Душанбе Рустами Эмомалӣ дар арафаи таҷлили ҷашни Сада, ки яке аз қадимтарин идҳои мардуми тоҷик ба ҳисоб меравад, ба сокинони деҳоти дурафтодаи водии Бартанги ноҳияи Рӯшон кумаки моддӣ расонд. Дар ин бора хабарнигори махсуси АМИТ «Ховар» дар ВМКБ Файзи Мирҳасан хабар дод.
Раиси ҷамоати деҳоти Савноби ин водӣ Малабек Малабеков аз кумаку ғамхориҳои пайвастаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон ба сокинони деҳоти дурдасти водии Бартанг изҳори сипос намуда, гуфт, ки “сокинони водӣ дар як муддати кӯтоҳ бартараф сохтани оқибатҳои заминҷунбии соли 2015 дар деҳаи Ғудараи ин ҷамоатро ҳаргиз фаромӯш намекунанд. Бар асари ин офати табиӣ 32 хонавода аз манзилашон маҳрум гаштанд. Ин ҳодиса дар фасли зимистон, дар фасле, ки бар асари сангчарху тармафуроӣ роҳҳои мошингард зуд-зуд баста мегарданд, рух дод. Сарфи назар аз ин, бо супориши Пешвои миллат аксари роҳбарони сохторҳои марбута савораву пиёда худро ба ин деҳа расонданд. Хисороту зарари расондаи зилзиларо муайян ва маълумотро ба ҳукумати мамлакат пешниҳод карданд. Рӯзи дигар кумакҳои аввалини тиббӣ ва маводи ғизоӣ тавассути чархболҳо интиқол дода шуданд. Дар бозгашт ба воситаи ин чархболҳо беморон, кӯдакону шахсони барҷомондаро ба маркази ноҳия интиқол доданд. Дар як муддати кӯтоҳ 32 хонаи нави истиқоматӣ бо тамоми шароити зиндагӣ мавриди истифода қарор дода шуданд. Роҳу кӯпрукҳои мошингарди ин водӣ бо кумаки Ҳукумати ҷумҳурӣ таъмиру аз нав сохта шуданд. Ҳаракати нақлиёт барқарор карда шуд”.
Раиси ҷамоати мазкур гуфт, ки зимистони имсола агарчӣ камбарф аст, аммо ҳаво хеле сард буда, сокинон бештар ба маводи сӯхт ниёз доранд. Инро ба инобат гирифта, раиси шаҳри Душанбе Рустами Эмомалӣ дар баробари кумаки ғизоӣ, ҳамчунин барои сокинони деҳоти дурдаст 30 тонна ангиштсанг фиристод.
Ин барои бошандагони ҷамоати деҳоти Савноби водии Бартанг кумаки хеле зарурӣ ва саривақтӣ буда, пиру барнои ҷамоат ба ӯ изҳори сипос менамоянд.
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
Бо қарори Раиси шаҳри Душанбе Рӯзи Президент дар пойтахт дар сатҳи баланди ташкилӣ таҷлил мешавад
Бо мақсади тақвияти ҳамкорӣ дар соҳаи сайёҳӣ ҳайати шаҳри Душанбе ба Чин сафар намуд
Қарори Раиси шаҳри Душанбе оид ба омодагӣ ва таҷлили Рӯзи Конститутсияи Ҷумҳурии Тоҷикистон ба тасвиб расид
АЗ ВОДИИ РАШТ ТО ИСКАНДАРКӮЛ. Хатсайрҳои сайёҳии дохилӣ ба минтақаҳои сайёҳии Тоҷикистон анҷом ёфтанд
Марказҳои барқу гармидиҳии шаҳри Душанбе ба кор оғоз намуданд
Раиси шаҳри Душанбе Рустами Эмомалӣ оромгоҳи Мир Сайид Алии Ҳамадониро зиёрат намуданд
