ТАҚВИМИ АМИТ «ХОВАР»: Имрӯз 27 феврал, сешанбе, 58-умин рӯзи соли 2018 аст
![](https://khovar.tj/wp-content/uploads/2017/12/SHukuhi-DALER..-e1514550208265.jpg)
Тақвими моро дар ин гӯша
шореҳ Шукӯҳи ДАЛЕР варақ мезанад:
27 феврали соли 2017 Президенти Федератсияи Россия Владимир Путин Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро барои саҳми бузург ва талошҳои созандаю иқдомҳои пайваста дар роҳи рушду тавсеаи бесобиқаи муносибатҳои гуногунҷанбаи байнидавлатӣ ва дӯстии халқҳои Тоҷикистону Россия бо мукофоти олии Федератсияи Россия- Ордени Александр Невский сарфароз намуданд.
***
Як сол пеш, 27 феврали соли 2017 баъди анҷоми музокироти байнидавлатии Президенти Ҷумҳурии Тоҷикистон Эмомалӣ Раҳмон ва Президенти Федератсияи Россия Владимир Путин Созишнома миёни Ҳукумати Ҷумҳурии Тоҷикистон ва Ҳукумати Федератсияи Россия оид ба ҳамкорӣ дар соҳаи истифодаи энергияи атомии сулҳҷӯёна ба имзо расид.
***
Дар ин рӯзи соли 2015 Барномаи рушди Китобхонаи миллии Тоҷикистон барои солҳои 2015-2020 тасдиқ карда шуд.
27 ФЕВРАЛ ТАҶЛИЛ КАРДА МЕШАВАД:
Дар Россия – Рӯзи қувваҳои амалиёти махсус.
РӮЙДОДҲО:
27 феврали соли 2000 интихоботи палатаи поёнии Парлумони Тоҷикистон баргузор гардид.
***
27 феврали соли 2009 дар шаҳри Душанбе миёни Донишгоҳи (славянии) Россияву Тоҷикистон ва Донишкадаи давлатии забони русии ба номи А. С. Пушкин шартномаи ҳамкорӣ ба имзо расид.
***
8 сол пеш, 27 феврали соли 2010 дар шаҳри Коломбои Шри-Ланка бозии футбол барои мақоми сеюми мусобиқаи Ҷоми даъватии КФО миёни дастаҳои Тоҷикистон ва Мянма баргузор гардид.
***
27 феврали соли 2013 палатаи поёнии Парлумони Тоҷикистон лоиҳаи Қонуни ҶТ «Дар бораи гаравхона (ломбард)»-ро қабул намуд.
***
Дар ин рӯзи соли 2014 дар Маркази тадқиқоти стратегии назди Президенти Ҷумҳурии Тоҷикистон дар мавзӯи «Рушди минтақаҳо» Симпозиуми байналмилалӣ баргузор гардид.
***
174 сол пеш, 27 феврали соли 1844 истиқлолияти Ҷумҳурии Доминикан эълон карда шуд.
***
27 феврали соли 1900 дастаи футболи «Бавария» таъсис дода шуд.
ИНЧУНИН ДАР ИН РӮЗ…
Соли 1974 дар Ню-Йорк аввалин шумораи маҷаллаи «People» бо теъдоди 1 миллион нусха аз чоп баромад, ки дар бораи ҳаёт ва фаъолияти ситораҳои санъат нақл мекард.