Вакилони Парлумони Тоҷикистон Созишномаи сармоягузорӣ оид ба истихроҷи кони «Пакрут»-ро ба тасвиб расониданд
ДУШАНБЕ, 01.02.2018 /АМИТ «Ховар»/. Созишномаи сармоягузорӣ байни Ҳукумати Ҷумҳурии Тоҷикистон, Ширкати «Kryso Resources Limited» ва Ҷамъияти дорои масъулияти маҳдуди /ҶДММ/ «Пакрут» оид ба истихроҷи кони «Пакрут»-ро 31 январ вакилони палатаи поёнии Парлумони Тоҷикистон ба тасвиб расонданд.
Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Фаррух Ҳамрализода дар назди вакилони Парлумони мамлакат ин масъаларо ташреҳ дод.
Мавсуф гуфт, ки тибқи Созишнома Ширкати «Kryso Resources Limited» ва ҶДММ «Пакрут» сохтмон ва истифодаи кони маъдан, ба роҳ мондани фаъолияти босамари фабрикаи бойгардонӣ, дар марҳилаи якум коркарди маъдан бо иқтидори 660 ҳазор тонна, дар марҳилаи дуюм 660 ҳазор тонна дар як сол, беҳсозии инфрасохтори роҳ, иншооти муҳандисӣ ва дигар корҳои вобаста ба ин лоиҳаи сармоягузориро ба сомон расонида, ҷиҳати амалигардонии ин корҳо маблағи зарурӣ ҷудо менамояд.
Бояд тазаккур дод, ки корҳои вобаста ба истифодаи саноатии кони «Пакрут» ҳанӯз соли 2012 оғоз гардида, дар ин давра сохтмони 53 километр роҳ, 73 километр хати баландшиддати интиқоли барқ — 110 кВт, таъмири 5 пули кӯҳна ва сохтмони 2 пули нав дар шаҳри Ваҳдат ба анҷом расонида шудааст.
Дар Душанбе стратегияи муосири пешгирии бемориҳои ғайрисироятиро баррасӣ намуданд
Иҷлосияи ҳафтуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир мегардад
Дар ҷаласаи кумитаи Маҷлиси миллӣ оид ба масъалаҳои аграрӣ, шуғли аҳолӣ ва экология қонунҳои соҳавӣ баррасӣ гардиданд
Иҷлосияи ҳафтуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир мегардад
Оид ба таҳкими робитаҳои байнипарлумонӣ ва густариши ҳамкории дуҷонибаи Тоҷикистону Муғулистон вохӯрӣ доир шуд
Дар шаҳри Улан-Батори Муғулистон Форуми ҷаҳонии занони аъзои парлумон баргузор гардид
Дар шаҳри Душанбе ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор мешавад
Файзалӣ Идизода бо иштирокчиёни Муколамаи чоруми минтақавӣ оид ба иқтисоди даврӣ дар Осиёи Марказӣ вохӯрӣ намуд
Ҷаласаи кумитаи Маҷлиси миллӣ оид ба таъмини асосҳои конститутсионӣ, ҳуқуқу озодиҳои инсон, шаҳрванд ва қонуният доир шуд
Ҷаласаи навбатии кумита оид ба масъалаҳои иҷтимоӣ, ҳифзи сиҳатӣ, илм, маориф, фарҳанг ва сиёсати ҷавонону занони Маҷлиси миллӣ доир гардид
Ҷаласаи навбатии кумитаи Маҷлиси миллии Маҷлиси Олӣ доир гардид
