Ҳамкории муштараки Тоҷикистон ва Ҳиндустон рушду такомул меёбад
ДУШАНБЕ, 17.03.2018 /АМИТ «Ховар»/. Вазири корҳои дохилии Ҷумҳурии Тоҷикистон Рамазон Раҳимзода бо Котиби Шӯрои амнияти миллии Ҷумҳурии Ҳиндустон Раҷиндер Кҳанна вохӯрӣ доир намуд. Дар вохӯрӣ ҳамчунин Сафири Фавқулода ва Мухтори Ҷумҳурии Ҳиндустон дар Тоҷикистон Сомнатх Гош ва дигар шахсони расмӣ иштирок доштанд.
Тавре аз Вазорат ба мухбири АМИТ «Ховар» хабаор доданд, зимни вохӯрӣ ҷонибҳо ҳамкории муштаракро дар самти мубориза бар зидди ҷинояткорӣ ва таҳдиду хатарҳои замони муосир мавриди баррасӣ қарор доданд. Ҳамчунин доир ба бозомӯзӣ ва тайёр намудани кадрҳои баландихтисос дар заминаи Академияи низомии ВКД Ҷумҳурии Ҳиндустон табодули афкор сурат гирифт.
Зикр гардид, ки ҳамкории судманди мақомоти корҳои дохилии Ҷумҳурии Тоҷикистон ва Ҷумҳурии Ҳиндустон дар доираи созишномаҳои дуҷонибаю бисёрҷониба рӯз аз рӯз густариш меёбанд.
Зимни вохӯрӣ Вазири корҳои дохилӣ Рамазон Раҳимзода Раҷиндер Кҳаннаро ба муносибати ворид шудани Ҳиндустон ба СҲШ дар соли 2017 табрик гуфта, бо изҳори хушнудӣ зикр кард, ки дар доираи ин созмони бонуфуз муносибатҳои муштарак ва ҳамкории минтақавӣ боз ҳам рушду такомул хоҳанд ёфт.
Котиби Шӯрои амнияти миллии Ҷумҳурии Ҳиндустон Раҷиндер Кҳанна дар навбати худ изҳор дошт, ки Ҳиндустон мақсад дорад, то узви масъулиятшиноси ин созмони бонуфуз бошад ва дар амнияти минтақа саҳми босазо гузорад.
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
Имрӯз дар Тоҷикистон ҳавои тағйирёбанда пешгӯӣ мешавад
Дар Бохтар оид ба даъвати баҳории ҷавонон ба хизмати ҳарбӣ ҳамоиш баргузор гардид
Имрӯз дар водиҳои Тоҷикистон ҳаво то 27 дараҷа гарм мешавад
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
