ҲАМ АСКАРӢ-ҲАМ ЧЕЛОНГАРӢ. Рамазон Раҳимзода аскарону сарбозонро ба омӯхтани касбу ҳунар даъват намуд
ДУШАНБЕ, 03.04.2018 /АМИТ «Ховар»/. Вазири корҳои дохилӣ Рамазон Раҳимзода аз қисми ҳарбии 6592-и Раёсати Қӯшунҳои дохилии Вазорати корҳои дохилӣ дар шаҳри Турсунзода боздид ба амал оварда, дар расми ифтитоҳи иншооти хизматию маишии қисми ҳарбии мазкур аскарону сарбозонро ба омӯхтани касбу ҳунар даъват намуд.
Тавре аз Вазорати корҳои дохилӣ ба мухбири АМИТ «Ховар» хабар доданд, Вазири корҳои дохилӣ аз иншооти ҷадид боздид ба амал оварда, бо шароити хизмативу маишии афсарону сарбозон, аз ҷумла, ошхона барои 300 нафар ва нонпазхонаю сартарошхона аз наздик шинос гардид.
Зимни вохӯрӣ бо афсарону сарбозони қисми низомии 6592 Вазири корҳои дохилӣ иброз намуд, ки таҳти сиёсати хирадмандонаи Пешвои миллат муҳтарам Эмомалӣ Раҳмон имрӯз Қувваҳои Мусаллаҳи Ҷумҳурии Тоҷикистон ба яке аз сохторҳои пуриқтидори давлат табдил ёфта, афсарону сарбозони он аз иҷрои ҳама гуна вазифаҳо сарбаландона мебароянд.
«Дар баробари ин, афсарону сарбозонро зарур аст, ки баҳри амнияти мардум ва ҳифзи тартиботи ҷамъиятиву ҳуқуқии шаҳрвандон ҳамеша бо шуҷоату корнамоӣ ва малакаи баланди касбӣ дар сафи пеш қарор дошта, ба Ватан ва давлату миллат содиқона хизмат намоянд», — гуфт Вазири корҳои дохилӣ.
Зикр гардид, ки сарбозон бояд ба тарбияи ҷисмонӣ ва обутоби бадан диққати махсус дода, пайваста ба тамрин машғул шаванд ва дар Соли рушди сайёҳӣ ва ҳунарҳои мардумӣ касбу ҳунар омӯзанд.
Барои фаро гирифтани аскарону сарбозон ба омӯхтани касбу ҳунар, аз қабили сартарошӣ, нонпазӣ, челонгарӣ, дуредгарӣ ва ғайра тасмим гирифта шуд, ки дар қисми ҳарбии 6592-и Раёсати Қӯшунҳои дохилии Вазорати корҳои дохилӣ дар шаҳри Турсунзода Маркази таълимӣ таъсис дода шавад, то аз дигар қисмҳои ҳарбӣ аскарону сарбозон ба ин ҷо омада, ба омӯхтани касбу ҳунар машғул шаванд.
Бояд гуфт, ки имрӯз дар сафи Қувваҳои Мусаллаҳ ҷавонони баору номуси миллат хизмати Ватан-Модарро ба ҷо оварда, баҳри оромиву осоиштагии марзу бум, таъмини волоияти қонун ва ҳифзи ҳуқуқу озодиҳои шаҳрвандон бо сари баланд хизмат доранд.
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
Дар Донишгоҳи байналмилалии сайёҳӣ ва соҳибкорӣ дар ҳошияи иштироки Президенти Тоҷикистон дар Саммити СММ ҳамоиши илмӣ баргузор шуд
Ҳайати Тоҷикистон дар ҷаласаи вазирони Кумитаи доимии ҳамкории иқтисодиву тиҷоратии СҲИ иштирок намуд
Орзуи миллионер шудан бо ZET-MOBILE воқеъист
Дар қаламрави Тоҷикистон заминларза ба амал омад
ИНТЕРНЕТИ ХОНАГӢ. Тамоми сол бе нигаронӣ ва бидуни пардохтҳои ҳармоҳа!
