Дар пойтахт Шӯрои нозирони КВД «Сохтмони манзили дастрас» таъсис дода шуд
ДУШАНБЕ, 16.04.2018 /АМИТ «Ховар»/. Дар корхонаи воҳиди давлатии /КВД/ «Сохтмони манзили дастрас», ки дар пойтахт фаъолият менамояд, Шӯрои нозирони КВД «Сохтмони манзили дастрас» таъсис дода мешавад. Дар ин хусус Раиси шаҳри Душанбе Рустами Эмомалӣ қарори марбута ба имзо расонд.
Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» иттилоъ доданд, ҳадафи таъсиси Шӯрои нозирон ҳимояи манфиат ва ҳуқуқҳои истеъмолкунандагон, саривақт ба анҷом расонидани корҳои сохтмонӣ дар иншооти бунёдшавандаи истиқоматӣ, беҳбуд бахшидан ва таъмини самаранокии фаъолият дар КВД «Сохтмони манзили дастрас» бо инобати истифодаи усулҳои идоракунии корпоративии корхонаҳои давлатӣ мебошад.
Дар асоси қарори мазкур низомнома, раис ва ҳайати Шӯрои нозирони КВД «Сохтмони манзили дастрас» тасдиқ гардида, директори КВД «Сохтмони манзили дастрас» муваззаф шудааст, ки дар зарфи 10 рӯз корҳои заруриро барои доир намудани ҷаласаи нахустини Шӯрои нозирони КВД «Сохтмони манзили дастрас» ба анҷом расонад.
Ҳамчунин гуфта мешавад, ки назорати иҷрои қарори мазкур ба зиммаи муовинони соҳавии Раиси шаҳри Душанбе вогузор шудааст.
Дар ноҳияи Шоҳмансури шаҳри Душанбе Озмуни ноҳиявии «Кадбонуи беҳтарин» баргузор гардид
«МОДАР — САРЧАШМАИ МЕҲРУ МУҲАББАТ». Дар Душанбе Рӯзи модарро ботантана таҷлил намуданд
Иҷлосияи панҷуми Маҷлиси вакилони халқи шаҳри Душанбе, даъвати ҳафтум баргузор мегардад
Маросими қадршиносии беҳтаринҳо дар соҳаҳои кор бо ҷавонон ва варзиши шаҳри Душанбе баргузор гардид
МОДАР — САРЧАШМАИ МЕҲРУ МУҲАББАТ. Дар ноҳияи Шоҳмансур ҳамоиши идонаи фарҳангӣ – фароғатӣ доир шуд
УФУҚҲОИ ДӮСТӢ. Муносибатҳои бародаршаҳрӣ байни Душанбе ва Боку тақвият меёбад
«ЗАН-МОДАР — ПАЙВАНДГАРИ НАСЛҲО». Дар Душанбе ҳамоиши маърифатӣ — фарҳангӣ доир гардид
«БАРОИ ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон доир гардид
«САЙРИ ГУЛИ ЛОЛА». Дар Душанбе таҳти чунин унвон Фестивали гулҳо баргузор мегардад
Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мегардад
Дар Душанбе ба ифтихори Рӯзи Қувваҳои Мусаллаҳи Ҷумҳурии Тоҷикистон чорабинии бошукуҳ баргузор гардид
Соли 2025 зиёда аз 1 миллион сайёҳон ба шаҳри Душанбе ворид гардидаанд
