«ДОНИШ ТАЛАБУ БУЗУРГӢ ОМӮЗ»! Дар шаҳри Ҳисор ҷашнвораи хонандагони болаёқат доир шуд
ДУШАНБЕ, 24.04.2018 /АМИТ «Ховар»/. Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода дар ҷашнвораи хонандагони болаёқати шаҳри Ҳисор ба саҳми назарраси маорифчиёни ин шаҳр дар таълиму тарбияи насли наврас баҳои баланд дод.
Дар ҷашнвораи хонандагони болаёқати шаҳри Ҳисор, ки дирӯз дар Қарси фарҳанги шаҳр доир гардид, намояндагони Дастгоҳи иҷроияи Президенти Ҷумҳурии Тоҷикистон, Вазорати маориф ва илми ҷумҳурӣ, роҳбарияти шаҳри Ҳисор ва аҳли зиё иштирок намуданд.
Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода аз саҳми назарраси маорифчиёни шаҳри Ҳисор дар таълиму тарбияи насли наврас ва боло бурдани сифати таҳсилот ёдоваршуда, таъкид намуд, ки аз рӯи тамоми нишондодҳо шуъбаи маорифи шаҳри Ҳисор дар ҷумҳурӣ мақоми дуввумро ишғол мекунад. Ёрдамчии Президенти мамлакат афзуд, ки ташаббуси шуъбаи маориф дар ҳамкорӣ бо Мақомоти иҷроияи ҳокимияти давлатии шаҳри Ҳисор бобати қадрдонии хонандагоне, ки дар олимпиадаҳои минтақавию ҷумҳуриявӣ соҳиби ҷойҳои аввал шудаанд, боиси дастгирист, зеро ин иқдом насли наврасро ба донишомӯзӣ бештар ҷалб сохта, онҳоро чун насли сазовори кишвари соҳибистиқлол ба воя расидан ҳавасманд мегардонад.
Ҳамзамон Раиси шаҳри Ҳисор Шарифҷон Ҷумъазода иброз намуд, ки аз ҷониби Мақомоти иҷроияи ҳокимияти давлатии шаҳри Ҳисор ба андозаи 900 сомонӣ стипендияи раиси шаҳр ба хонандагони болаёқат ба назар гирифта шудааст.
Баъд аз суханронии иштирокдорон дар вазъи тантанавӣ ба ғолибони олимпиадаҳои фаннӣ, гирандагони стипендияи Раиси шаҳри Ҳисор ва омӯзгорони пешқадами шаҳр маблағҳои пулӣ ва туҳфаҳо супорида шуданд.
Тавре мудири маорифи шаҳри Ҳисор Наргис Муқимзода изҳор дошт, ба волидони хонандагони пешсафи шаҳр низ мукофотҳои хотиравӣ тақдим гардиданд.
Ҷашнвораи хонандагони болаёқати шаҳри Ҳисор бо барномаи театрикунонидашудаи консертии «Дониш талабу бузургӣ омӯз» анҷом ёфт, ки аз тарафи ҳозирин хуш истиқбол гардид.
Аз байн бурдани коррупсия омили пешрафти ҳар давлат аст
ҲХДТ ба вакилии Маҷлиси намояндагон дар ҳавзаи интихоботии якмандатии Ҳамадонӣ, №35 номзад пешбарӣ намуд
Имрӯз дар баъзе ноҳияҳои Тоҷикистон туман мефарояд
Аз ҳавзаи якмандатии Исфара, №20 номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид
Бозорҳо, хатсайрҳо, терминалҳо: МегаФон Тоҷикистон шабакаи толорҳои алоқаи худро васеъ намуд
ҲХДТ дар ҳавзаи интихоботии якмандатии Муъминобод, №38 номзад пешниҳод намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Мулоқоти сеҷонибаи сарвазирони Тоҷикистон, Узбекистон ва Қирғизистон баргузор гардид
Сӯхтори ҷангал дар Калифорния беш аз 300 гектарро фаро гирифтааст
Лондон аз рӯи танбашавии нақлиёт байни шаҳрҳои Аврупо дар ҷойи якум қарор гирифт
Дар натиҷаи заминларза дар Ситсзан дар ҷанубу ғарби Чин 126 нафар ҳалок гардид
Имрӯз дар ноҳияҳои алоҳидаи кӯҳии Тоҷикистон барф меборад
