«ХУРРАМГАРДОНИИ ДУШАНБЕШАҲР — РИСОЛАТИ СОКИНОНИ ПОЙТАХТ»,-ҳашари умумишаҳрӣ ба ифтихори Рӯзи пойтахт
ДУШАНБЕ, 16.04.2018 /АМИТ «Ховар»/. Дар остонаи Рӯзи пойтахт, ки ҳамасола шанбеи сеюми моҳи апрел таҷлил мегардад, 14 апрел беш аз 800 нафар кормандони сохторҳои мақомоти иҷроияи ҳокимияти давлатии шаҳри Душанбе дар ҳудуди Боғи фарҳангӣ-фароғатии ба номи Устод Рӯдакӣ ба ҳашари умумишаҳрӣ таҳти унвони «Хуррамгардонии Душанбешаҳр-рисолати сокинони пойтахт» баромаданд.
Аз Раёсати иттилоот ва робитаҳои хориҷии Дастгоҳи Раиси шаҳри Душанбе ба АМИТ «Ховар» иттилоъ доданд, ки дар ҳашари оммавӣ кормандони ниҳодҳои зертобеи мақомоти иҷроияи ҳокимияти давлатии шаҳри Душанбе ҳудуд, роҳрав, низоми обпарто ва гулгашту чаманзорҳои боғро рубучин карда, хасу хошок ва гилу партовҳои дигарро ҷамъоварӣ намуданд. Инчунин иштирокдорони ин тадбири оммавӣ баҳри нашъунамои хуб бехи ниҳолу дарахтон ва гулу буттаҳои ороишии боғро нарм карданд.
Тадбири ободонӣ дар асоси нақша-чорабиниҳои мақомоти иҷроияи ҳокимияти давлатии шаҳри Душанбе барои дар сатҳи баланд таҷлил намудани Рӯзи пойтахт ташкил гардид. Ҳадафи чорабинии мазкур тозаву озода намудани боғу гулгашт ва роҳу хиёбонҳои пойтахт, саҳм гузоштан дар тадбирҳои андешидаи роҳбарияти шаҳри Душанбе дар самти ободу зебо гардонидани пойтахт ва фароҳам овардани шароити хуби санитариву экологӣ дар марказҳои оммавии шаҳр мебошад.
Ҳамзамон, субҳи 14 апрел дар доираи нақшаи баргузории машқҳои оммавӣ – варзишӣ таҳти унвони «Зебоӣ, тавоноӣ ва доноӣ аз варзиш аст», ки аз ҷониби Дастгоҳи иҷроияи Президенти Ҷумҳурии Тоҷикистон тасдиқ гардидааст, кормандони сохтору ниҳодҳои дастгоҳи Раиси шаҳр ва мақомоти иҷроияи ҳокимияти давлатии шаҳри Душанбе дар Боғи фарҳангӣ-фароғатии ба номи Устод Рӯдакӣ ба машқи пагоҳирӯзӣ фаро гирифта шуданд.
Бояд тазаккур дод, ки шанбеи сеюми моҳи апрел тибқи Қонуни Ҷумҳурии Тоҷикистон «Дар бораи рӯзҳои ид» ҳамчун Рӯзи пойтахт таҷлил карда мешавад.
«САЙРИ ГУЛИ ЛОЛА». Дар ҳудуди шаҳри Душанбе зиёда аз 5 миллион адад гули лола шинонида шуд
Рустами Эмомалӣ пешниҳод намуданд, ки гӯштингирӣ ба Бозиҳои Осиё ва Бозиҳои олимпӣ ворид карда шавад
Рустами Эмомалӣ бо Валид ибни Абдураҳмон Ар-Решайдон мулоқот анҷом доданд
Раиси шаҳри Душанбе бо роҳбари намояндагии Бонки Осиёии рушд мулоқот намуданд
ЧУН ДУШАНБЕ МАН НАДИДАМ САБЗШАҲРЕ ДАР ҶАҲОН. Ба Рӯзи пойтахти Ҷумҳурии Тоҷикистон бахшида мешавад
Имрӯз дар чор ноҳияи шаҳри Душанбе намоишҳои фурӯши маҳсулоти мавриди ниёзи аввал ташкил гардиданд
Ҷаласаи якҷояи Маҷлиси вакилони халқи шаҳри Душанбе ва ноҳияҳои он оид ба интихоботи аъзои Маҷлиси миллӣ баргузор шуд
Барои дар сатҳи баланд таҷлил намудани Рӯзи пойтахти Ҷумҳурии Тоҷикистон омодагиҳо идома доранд
Дар Майдони «Истиқлол» барномаи фарҳангии фараҳафзо баргузор гардид
Имкониятҳои сайёҳии шаҳри Душанбе ва таҷлили ҷашни Наврӯз аз ҷониби блогерони хориҷӣ тарғиб мешаванд
Ба муносибати Ҷашни байналмилалии Наврӯз дар ноҳияҳои шаҳри Душанбе барномаҳои фарҳангӣ-фароғатӣ баргузор шуданд
Имрӯз ба ифтихори ҷашни Наврӯз дар Майдони Истиқлоли пойтахт барномаи консертӣ бо мушакпаронӣ доир карда мешавад
