Таҷлили мутантани Рӯзи пойтахт дар Душанбе
ДУШАНБЕ, 21.04.2018 /АМИТ «Ховар»/. Имрӯз, 21 апрел, фазои пойтахти Ҷумҳурии Тоҷикистон –шаҳри Душанбе қабои идона ба бар дорад, зеро дар ин рӯзи зебои баҳорӣ, сокинони Душанбе Рӯзи пойтахтро ҷашн мегиранд. Ин сана ҳамасола шанбеи сеюми моҳи апрел таҷлил мегардад.
Хабарнигори АМИТ «Ховар» иттилоъ медиҳанд, ки аз субҳ инҷониб сокинони меҳмонони Душанбе дар ин рӯзи офтобӣ ба сайругашти идона баромадаанд. Дар иртибот ба таҷлили Рӯзи пойтахт бо иқдоми Мақомоти иҷроияи ҳокимияти давлатии шаҳри Душанбе дар тамоми боғҳои фарҳангивю фароғатии пойтахт базмҳои пуршукӯҳи идона бо иштироки дастаҳои ҳунарӣ — ромишгарону мутрибон ташкил гардида, ҳамзамон маҳсули дастони ҳунармандони чирадасти пойтахт, ба намоиш гузошта шудаанд.
Инчунин имрӯз дар Душанбе чорабиниҳои гуногуни идона, аз ҷумла мусобиқоти варзишӣ — Ниммарафони байналмилалӣ доир гардид. Ҳамзамон дар «Наврӯзгоҳ»-и Душанбе баргузории мусобиқаи пойгаи кушоди аспдавонӣ дар назар аст.
Ҳамчунин шоми имрӯз дар Муассисаи фарҳангию фароғатии «Аҳорун» (Амфитеатр) маросими ботантанаи таҷлили Рӯзи пойтахт ва барномаи фарҳангӣ бо иштироки роҳбарияти шаҳри Душанбе ва сокинону меҳмонони он баргузор мегардад.
Дурнамои ҳамкории шаҳри Душанбе ва иёлоти Ютаи Амрико баррасӣ шуд
Дар Душанбе даври шаҳрии Фестивал-озмуни ҳунармандону косибон таҳти унвони «Беҳтарин усто ва шогирд» баргузор шуд
Байни шаҳрҳои Душанбе ва Антверпен робитаҳои фарогир таҳким меёбанд
Даври шаҳрии Фестивал-озмуни ҷумҳуриявии «Як матову сад ранг» баргузор гардид
Дар Душанбе даври шаҳрии Озмуни ҷумҳуриявии «Кадбонуи беҳтарин» баргузор шуд
СОКИНИ ПОЙТАХТ БУДАН ИФТИХОР АСТ! Имрӯз Душанбе гаҳвораи тамаддуни миллати тоҷик гардидааст
Душанбе бо зебоӣ ва тароваташ байни сокинон ва сайёҳон ҳамчун «шаҳри гулҳо» маъруф аст
РӮЗИ ПОЙТАХТ. Душанбе маркази ташаккул ва рушди кластерҳои инноватсионӣ мебошад
ДУШАНБЕ — ШАҲРИ СУЛҲУ СУБОТ ВА ВАҲДАТИ МИЛЛӢ. Иқтибосҳо аз суханрониҳои Президенти Тоҷикистон ба муносибати Рӯзи пойтахт
Фарҳод Раҳимӣ: «Рушди шаҳри Душанбе дар замони муосир ва нақши Раиси шаҳр муҳтарам Рустами Эмомалӣ дар шаклгирии фазои иҷтимоӣ ва маънавӣ»
ЧУ ДИЛ ДАР СИНААМ ҶОӢ, ДУШАНБЕ… Симои пойтахти Тоҷикистон ба таври шинохтанашаванда дигаргун шудааст
ДУШАНБЕ — ШАҲРИ «САБЗ». Дар пойтахт давоми 9 соли охир зиёда аз 130 миллион дона гули мавсимию бисёрсола шинонида шудааст
