ТАҚВИМИ АМИТ «ХОВАР»: Имрӯз 27 апрел, ҷумъа, 117-умин рӯзи соли 2018 аст

Тақвими моро дар ин гӯша

шореҳ Шаҳлои САДРИДДИН варақ мезанад

27 апрели соли 2016 дар доираи сафари корӣ ба шаҳри Норак Асосгузори сулҳу Ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Неругоҳи барқи обии Норак ташриф оварда, муҳимтарин қисмати ин иншооти стратегӣ – дастгоҳи тақсимкунандаи пӯшидаи элигазии 500 кВ-ро мавриди баҳрабардорӣ қарор доданд.

27 АПРЕЛ ТАҶЛИЛ КАРДА МЕШАВАД:

Дар ИМА рӯзи ниҳолшинонӣ.

РӮЙДОДҲО:

 27 апрели соли 2016 Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар як мавзеи хушбоду ҳавои соҳили дарёи Вахш Истироҳатгоҳи замонавии «Пули Сангин»-ро ифтитоҳ карданд.

***

27 апрели соли 1930 дар Душанбе аввалин театрстудияи мусиқавӣ таъсис ёфт.

***

85 сол қабл, 27 апрели соли 1933 Китобхонаи илмии марказии пойгоҳи тоҷикистонии АИ ИҶШС – ҳоло Китобхонаи илмии марказии Академияи илмҳои Тоҷикистон ба номи Индира Гандӣ кушода шуд.

***

Дар ин рӯзи соли 1992 Ҷумҳурии Тоҷикистон ва Ҷумҳурии Корея муносибатҳои дипломатӣ барқарор намуданд.

 ИНЧУНИН ДАР ИН РӮЗ…

 Соли 1908 IV Бозиҳои олимпӣ дар шаҳри Лондони Британияи Кабир оғоз гардид.

***

Соли 1975  дар мусобиқаи мошинронии «Формула-1» бори аввал ва охир дар таърих холҳои санҷиширо зан соҳиб шуд.