Ҷалби маблағҳо барои пурра ва мутобиқи стандартҳои ҷаҳонӣ ба анҷом расонидани сохтмони роҳи мошингарди Кӯлоб-Қалъаихумб идома дорад
ДУШАНБЕ, 16.05.2018 /АМИТ «Ховар»/. Дар ҷаласаи навбатии иҷлосияи чоруми Маҷлиси намояндагони Маҷлиси Олии Ҷумҳурии Тоҷикистон даъвати панҷум Созишномаи қарзӣ байни Ҷумҳурии Тоҷикистон ва Фонди кувайтии рушди иқтисоди Араб оид ба лоиҳаи «Сохтмони роҳи автомобилгарди Кӯлоб-Қалъаихумб, қитъаи Кӯлоб-Шӯрообод ва қитъаи Шкев-Қалъаихумб» тасдиқ карда шуд.
Вазири молияи Ҷумҳурии Тоҷикистон Файзиддин Қаҳҳорзода ба вакилони палатаи поёнии Парлумони мамлакат иттилоъ дод, ки Созишномаи мазкур байни Ҳукумати Ҷумҳурии Тоҷикистон ва Фонди кувайтии рушди иқтисоди Араб ба маблағи 25,5 млн. доллари ИМА моҳи марти соли 2018 дар шаҳри Душанбе ба имзо расонида шудааст. Ҳадафи лоиҳаи мазкур идома додани сохтмони роҳи мошингарди Кӯлоб-Қаълаихумб мебошад. Қитъаи А-и лоиҳаи мазкур сохтмони роҳи мошингарди шаҳри Кӯлобро бо ноҳияи Шамсиддин Шоҳин (32 километр) ва қитъаи F сохтмони роҳи мошингарди деҳаи Шкевро ба ноҳияи Қалъаихумб (26 километр) дар бар мегирад. Бо татбиқ гардидани лоиҳаи мазкур хароҷоти арзиши аслии ҳамлу нақли бор ва мусофиркашонӣ бамаротиб паст гардида, сатҳи хизматрасонӣ дар ин самт беҳтар мегардад.
Тавре иттилоъ дода шуд, маблағи умумии сохтмони роҳи мошингарди Кӯлоб-Қаълахумб дар умум 115 млн. доллари ИМА-ро дар бар мегирад, ки аз ин ҳисоб 10 млн. доллар ҳиссаи Ҳукумати Ҷумҳурии Тоҷикистон мебошад.
Доир ба рушди дипломатияи парламентӣ дар даврони соҳибистиқлолии Тоҷикистон ҳамоиш баргузор шуд
Ҳамкории байнипарламентии Тоҷикистон ва Қазоқистон тақвият меёбад
Мавсума Муинӣ: «Мавқеъ ва саҳми занон дар дипломатияи парламентии Ҷумҳурии Тоҷикистон намоён аст»
Ҷаласаи ғайринавбатии Шурои Маҷлиси намояндагони Маҷлиси Олӣ баргузор гардид
Кумитаи доимии Ассамблеяи парлумонии Осиё Қатънома оид ба фарҳанги истифодаи оқилонаи захираҳои обро қабул намуд
Кумитаи доимии Ассамблеяи парлумонии Осиё Қатънома оид ба таҳкими фарҳанги сулҳ, таҳаммулпазирӣ ва эҳтироми арзишҳои фарҳангии миллатҳоро қабул намуд
Файзалӣ Идизода бо Котиби генералии Ассамблеяи парламентии Осиё Муҳаммадризо Маҷидӣ вохӯрӣ намуд
26 СЕНТЯБР — РӮЗИ МАҶЛИСИ ОЛӢ — ПАРЛАМЕНТИ ҶУМҲУРИИ ТОҶИКИСТОН. Фаъолияти мақоми қонунгузор барои пешрафти давлат равона шудааст
Вохӯрии роҳбарони гурӯҳҳои дӯстии байнипарлумонии Ҷумҳурии Тоҷикистон ва Давлати Қатар доир шуд
Муҳаммадризо Маҷидӣ: «Фарҳанг чун яке аз пояҳои муколама ва ҳамдигарфаҳмӣ байни мардуми Осиё хизмат менамояд»
Файзалӣ Идизода: «Ассамблеяи парламентии Осиё дар ташаккули фазои ҳамдигарфаҳмӣ ва ҳамбастагӣ нақши муҳим дорад»
Дар Душанбе ҷаласаи Раёсат/Бюрои Ассамблеяи парлумонии Осиё баргузор гардид
