«БЕҲТАРИН ОИЛАИ ҲУНАРМАНД». Дар Тоҷикистон бахшида ба Рӯзи байналмилалии оила озмуни ҷумҳуриявӣ гузаронида мешавад
ДУШАНБЕ, 07.05.2018 /АМИТ «Ховар»/. Бахшида ба Рӯзи байналмилалии оила, ки ҳамасола 15 май таҷлил мегардад, Кумитаи кор бо занон ва оилаи назди Ҳукумати Ҷумҳурии Тоҷикистон озмуни ҷумҳуриявии фарҳангӣ — маърифатӣ таҳти унвони «Беҳтарин оилаи ҳунарманд»-ро миёни оилаҳои ҳунарманди кишвар баргузор менамояд.
Тавре ба мухбири АМИТ «Ховар» аз Кумитаи мазкур хабар доданд, озмуни мазкур ба муносибати Рӯзи оила ва эълон гардидани соли 2018 Соли рушди сайёҳӣ ва ҳунарҳои мардумӣ бахшида шуда, 14 майи соли равон дар Муассисаи давлатии «Боғи Ирам» баргузор мегардад.
Бино ба иттилои манбаъ, озмун дар се марҳила: даври аввал дар шаҳру ноҳияҳо, даври дуюм дар сатҳи минтақа ва вилоят ва даври сеюм дар сатҳи ҷумҳурӣ доир мешавад.
Ҳамчунин гуфта мешавад, ки озмун аз рӯи шартҳои гуногун, аз қабили саволу ҷавоб, қироати шеър, сароидани суруд, аз ҷумла аллаи модар, иҷрои рақс ва пешниҳоди маҳсули даст баргузор хоҳад шуд.
Ғолибон ва иштирокдорони фаъоли озмун бо диплом, сипоснома ва туҳфаҳои хотиравии таъсиснамуда сарфароз гардонида мешаванд.
ҒИЗОИ СОЛИМ. Чӣ тавр аз лӯбиё таом ва ё хӯриш омода намоем?
Имрӯз дар Тоҷикистон ҳавои тағйирёбандаи бебориш дар назар аст
ФУТБОЛ. Дастаҳои асосӣ ва ҷавонони «Вахш» бо медалҳои нуқра ва биринҷӣ мукофотонида шуданд
Имрӯз дар Тоҷикистон борон меборад
ҶАМЪБАСТИ НИШАСТҲОИ МАТБУОТӢ. Имрӯз дар якчанд вазорату идора нишасти матбуотӣ баргузор мегардад
Тарофаи мобилӣ – мувофиқи талаботи шахсии шумо
Имрӯз дар ноҳияҳои кӯҳии Тоҷикистон бориши борон ва барф дар назар аст
Бахшида ба Рӯзи байналмилалии пешгирии экстремизми хушунатомез дар шаҳри Турсунзода ҳамоиш баргузор гардид
Дар Донишгоҳи давлатии Кӯлоб бахшида ба Рӯзи ҷаҳонии занон ва духтарон дар соҳаи илм конфронси байналмилалӣ доир гардид
Имрӯз дар Тоҷикистон ҳавои тағйирёбанда пешгӯӣ мешавад
