Боздиди иштирокдорони Рӯзҳои фарҳанги Арабистони Саудӣ аз шаҳри Норак
ДУШАНБЕ, 07.05.2018 /АМИТ «Ховар»/. Дирӯз, 6 майи соли равон иштирокдорони Рӯзҳои фарҳанги Арабистони Саудӣ ба шаҳри Норак сафар намуданд.
Тавре аз Маркази матбуоти Вазорати фарҳанги Ҷумҳурии Тоҷикистон ба АМИТ «Ховар» хабар доданд, меҳмононро дар даромадгоҳи шаҳр бо садои карнаю сурнай ва нону намак пешвоз гирифтанд. Зимни боздид меҳмонон аз Неругоҳи барқи обии «Норак» дидан намуда, аз табиати зебову нотакрор баҳра бардоштанд.
Ҳамчунин дар толори Қасри фарҳанги шаҳри Норак барномаи консертӣ барпо гардид, ки дар расми ифтитоҳи он Раиси шаҳри Норак Ҳурматзода Фатҳулло Зариф ва мудири иҷроияи департаменти фарҳанги Кумитаи давлатии фарҳанги Арабистони Саудӣ Аҳмад ал Мазияд суханронӣ намуданд.
«Боиси хурсандист, ки имрӯзҳо дар кишвари мо Рӯзҳои фарҳанги Арабистони Саудӣ баргузор мегарданд, — иброз дошт раиси шаҳри Норак ва изҳори итминон намуд, ки ин чорабинӣ барои мустаҳкамтар намудани дӯстии ду кишвар ва барои ҳамкории оянда заминаи мусоид фароҳам меоварад».
Роҳбари департаменти фарҳанги Вазорати фарҳанг ва иттилооти Шоҳигарии Арабистони Саудӣ Аҳмад ал Музайяд ба Подшоҳи Арабистони Саудӣ Салмон ибн Абдулазиз ва Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон изҳори сипос намуд, ки имконияти мазкурро барои муаррифии фарҳанги Арабистони Саудӣ дар Тоҷикистон фароҳам овардаанд. Мавсуф аз муштаракоти фарҳангию забонии мардуми тоҷик ва араб ҳарф зада, доир ба табиати нотакрори Тоҷикистон чунин иброзӣ анджеша намуд: «Мо ифтихор аз он дорем, ки байни давлатҳои арабзабон нахустин давлатем, ки дар Тоҷикистон Рӯзҳои фарҳанги худро баргузор менамоем. Қабл аз ташриф овардан ба Тоҷикистон шунида будем, ки Тоҷикистон биҳишти рӯи замин аст. Инак, мо шоҳид шудем, ки ин кишвар дар ҳақиқат бо мардум ва аҳолии некӯи он биҳиштосо аст».
Бояд гуфт, ки барномаи мусиқии фолклории ҳунармандони Арабистони Саудӣ, ки муаррифгари санъати халқии тамоми минтақаҳои ин кишвар буд, манзури аҳли толор гардида, аз ҷониби тамошобинон хуш паизируфта шуд.
Маврид ба зикр аст, ки имрӯз иштирокдорони Рӯзҳои фарҳанги Арабистони Саудӣ ба шаҳри Ҳисор сафар намуданд.
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
