Дар Душанбе Форуми ҷавонон ҷараён дорад
ДУШАНБЕ, 23.05.2018. /АМИТ «Ховар»/. Тавре қаблан хабар дода будем, алҳол дар шаҳри Душанбе бахшида ба Рӯзи ҷавонони Тоҷикистон Форуми ҷумҳуриявии намояндагони ҷавони вазорату идораҳо ва ташкилоту муассисаҳо таҳти унвони «Пешвои миллат — рамзи иттиҳоду сарҷамъӣ ва саодату осудагии мо, ҷавонон» ҷараён дорад.
Тавре мухбири АМИТ «Ховар» хабар медиҳад, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода конфронсро ифтитоҳ намуда, зикр кард, ки таваҷҷуҳи махсуси Давлату Ҳукумат ва сиёсати дурандешонаи Ассосгузори сулҳу Ваҳдати миллӣ — Пешвои миллат муҳтарам Эмомалӣ Раҳмон нисбат ба насли ҷавони мамлакат аст, ки онҳо ба комёбиҳои беназир мушарраф мегарданд.
«Ҷавононро ҳамчун ояндасозони давлату миллат, қувваи пешбаранда ва неруи ҳарактдиҳандаи ҷомеа эътироф кардани Сарвари давлат боиси болидарӯҳӣ ва ифтихори миллии ин қишри ояндасоз гардида, эътимоди онҳоро ба фардои дурахшон қавӣ ва масъулияташонро баҳри ҳифзи дастовардҳои истиқлолияти давлатӣ рӯшан менамояд», — афзуд А.Абдуллозода.
Дар конфронс мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Шуҳрат Азиззода изҳор кард, ки Ҳукумати Ҷумҳурии Тоҷикистон бо татбиқи пайгиронаи сиёсати ҷавонон ягон масъалаи онҳоро аз мадди назар дур намегузорад ва дар ин раванд тамоми чораҳоро амалӣ менамояд, то ки ҷавонону наврасони мамлакат ҳамқадами замон ба камол расанд.
Дар конфронс ҳамчунин гуфта шуд, ки ҳадафи асосии сиёсати ҷавонон ин муттаҳид сохтани нерӯи созандаи насли ҷавон дар атрофии Ҳукумати Ҷумҳурии Тоҷикистон ба хотири эъмори чомеаи демократию ҳуқуқбунёд ва дунявӣ мебошад.
Бояд зикр кард, ки Форуми мазкур бо ташаббуси Кумитаи кор бо ҷавонон ва варзиши назди Ҳукумати ҷумҳурӣ дар якҷоягӣ бо Мақомоти иҷроияи ҳокимияти давлатии шаҳри Душанбе таҳти сарпарастии Президенти Федератсияи футболи Тоҷикистон Рустами Эмомалӣ баргузор мегардад.
Конфронси мазкур давоми рӯз ҷараён гирифта, дар кори он роҳбарони ташкилоту идораҳо, ректорони муассисаҳои олии чумҳурӣ иштирок намуда, масъалаҳои муҳими ҷавононро мавриди таҳлилу баррасӣ қарор медиҳанд.
Ёдовар мешавем, ки аз соли 1997 ҳамасола 23 май ҳамчун Рӯзи ҷавонони Тоҷикистон таҷлил карда мешавад.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
