Дар Душанбе саҳми Президенти Ҷумҳурии Тоҷикистон Эмомалӣ Раҳмон ва Президенти Федератсияи Россия Владимир Путин дар таъмини амният ва субот дар марзҳои ҷануби ИДМ баррасӣ гардид
ДУШАНБЕ, 29.05.2018. /АМИТ «Ховар»/. Имрӯз дар Маркази тадқиқоти стратегии назди Президенти Ҷумҳурии Тоҷикистон дар чаҳорчӯби раисии Ҷумҳурии Тоҷикистон дар ИДМ якҷо бо Ҳаракати ҷамъиятии «Дӯстони Россия» дар мавзӯи «Саҳми Президенти Ҷумҳурии Тоҷикистон Эмомалӣ Раҳмон ва Президенти Федератсияи Россия Владимир Путин дар таъмини амният ва субот дар марзҳои ҷануби ИДМ» ҳамоиш баргузор гардид.
Тавре мухбири АМИТ «Ховар» аз ҷараёни баргузории конфронс хабар медиҳад, дар ҷаласа олимон, коршиносон, таҳлилгарони масоили Афғонистон ва минтақа, намояндагони мақомоти давлатии Ҷумҳурии Тоҷикистон, Академияи илмҳои Ҷумҳурии Тоҷикистон, мақомоти қудратӣ ва ҳимояи ҳуқуқу тартибот ва хадамоти махсус, ҳамчунин намояндагони корпуси дипломатӣ ва созмонҳои байналмилалии муқими Тоҷикистон иштирок доштанд.
Директори Маркази тадқиқоти стратегии назди Президенти Ҷумҳурии Тоҷикистон Худобердӣ Холиқназар мақсади асосии конфронсро нишон додани саҳми бузурги Президенти Ҷумҳурии Тоҷикистон Эмомалӣ Раҳмон ва Президенти Федератсияи Россия Владимир Путин дар таъмини амният ва субот дар марзҳои ҷануби кишварҳои аъзои СААД, махсусан дар Ҷумҳурии Тоҷикистон, вазъи мураккабу печидаи муосири геополитикӣ ва тағйироти низоми робитаҳои байналмилалӣ арзёбӣ намуд. «Ҳадаф аз доир намудани ҳамоиш ба таври равшану возеҳ нишон додани он аст, ки чӣ гуна сарони ду давлат бо тадбирҳои сиёсию дипломатӣ, ҳарбию техникӣ ва созмондиҳӣ сохтори таъмини амният ва субот дар минтақаро заминагузорӣ кардаанд. Чӣ гуна онҳо дар асоси ҳусни тафоҳум ва эътимоди мутақобилаи дӯстӣ ва ҳамкорӣ ба кумаки мутақобила ва шарикии стратегии Тоҷикистон ва Россия таҳким мебахшанд»,-афзуд Х.Холиқназар.
Дар ҷараёни ҳамоиш аз ҷониби иштирокчиён зикр карда шуд, ки барои таҳкими амният дар минтақа воқеан ҳам хизматҳои ҳам Президенти Ҷумҳурии Тоҷикистон муҳтарам Эмомалӣ Раҳмон ва ҳам Президенти Федератсияи Россия Владимир Путин хеле муассир ва бузург аст.
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Имрӯз дар ноҳияҳои алоҳидаи кӯҳии Тоҷикистон барф меборад
