Фалзия Албакр, профессори Донишгоҳи Арабистони Саудӣ: «Бонувони тоҷикро зебову дилрабо ва дар тамоми соҳаҳо фаъол дарёфтам»
ДУШАНБЕ, 8.05.2018. /АМИТ «Ховар»/. Имрӯз дар шаҳри Душанбе дар ҳошияи Рӯзҳои фарҳанги Шоҳигарии Арабистони Саудӣ дар Ҷумҳурии Тоҷикистон конфронс дар мавзӯи «Мавқеи зан дар ҷомеаи Шоҳигарии Арабистони Саудӣ» баргузор гардид.
Тавре хабарнигори АМИТ «Ховар» иттилоъ медиҳад, дар конфронс олимону донишмандони ҷумҳурӣ ва меҳмонон аз Шоҳигарии Арабистони Саудӣ иштирок намуданд.
Фалзия Албакр, профессори Донишгоҳи сотсиологии Шоҳигарии Арабистони Саудӣ зимни баромади хеш, пеш аз ҳама, баргузории Рӯзҳои фарҳанги Шоҳигарии Арабистони Саудӣ дар Тоҷикистонро яке аз воситаҳои хуби дӯстии ду кишвар арзёбӣ намуда, бо боварии комил иброз дошт, ки ҳамкории Тоҷикистону Шоҳигарии Арабистони Саудӣ беш аз пеш рушд хоҳад ёфт.
«Пеш аз ҳама, бояд бигӯям, ки аз сафари хеш ба Тоҷикистон бисёр шодам, зеро Тоҷикистон хеле кишвари зебову сарсабз буда, гӯё биҳишти рӯи замин аст», — афзуд Фалзия Албакр.
Мавсуф дар мавзӯи «Мавқеи зан дар ҷомеаи Шоҳигарии Арабистони Саудӣ» маъруза намуда, аз ҷумла зикр намуд, ки занон имрӯз дар Арабистони Саудӣ дар қатори мардон баробаранд.
«Имрӯз дар баробари мардон занони Арабистони Саудӣ дар тамоми соҳаҳои мамлакат, аз ҷумла соҳаи бонкдорӣ, тиб, маориф соҳибкорӣ кору фаъолият дошта, ба дигар давлатҳо низ барои табодули таҷриба ва таҳсили илм сафар мекунанд», — изҳор дошт профессори Донишгоҳи сотсиологии Шоҳигарии Арабистони Саудӣ.
Фалзия Албакр дар идомаи сухан оид ба мушоҳидаҳои худ аз сафар ба Тоҷикистон чунин изҳори андеша намуд: «Дар тӯли ин чанд рӯзи сафар ба Тоҷикистон ҳамаи бонувони тоҷикро зебову дилрабо ва дар тамоми соҳаҳо фаъол дарёфтам».
Дар фарҷоми кори конфронс миёни меҳмонон ва иштирокдорон суолу ҷавоб ва табодули афкор сурат гирифт.
Дар Кӯлоб бо иштироки Сарвазири Тоҷикистон ҷаласаи Ситоди ҷумҳуриявӣ баргузор шуд
Бо супориши Президенти Ҷумҳурии Тоҷикистон муҳтарам Эмомалӣ Раҳмон Сарвазири Тоҷикистон Қоҳир Расулзода ба шаҳри Кӯлоб сафар намуд
ОГОҲӢ. Дар баъзе шаҳру ноҳияҳои Тоҷикистон то 4 май хавфи сар задани сел боқӣ мемонад
Дар шаҳри Кӯлоб дар пайи бориши пай дар пай сел омада, ба хонаҳои сокинон хисорот расид
Собиқадори хизмати давлатӣ Тоҳир Рашид: «Обод намудани Ватан ибодат ва аз гӯшаи имон аст»
Дар Душанбе густариши ҳамкории Тоҷикистону Покистон дар соҳаи меҳнат ва касбомӯзӣ баррасӣ гардид
Тоҷикистон ва Бавария ҳамкориро дар самти таҳсилоти касбӣ густариш медиҳанд
Оид ба ҳамкорӣ дар самти ҷалби мутахассисони ҷавони соҳибтахассус Ёддошти тафоҳум ба имзо расид
Байни Маркази тадқиқоти стратегии Тоҷикистон ва Маркази тадқиқоти сиёсати хориҷии Узбекистон Ёддошти тафоҳум ба имзо расид
Дар ноҳияи Кӯшониён бо фаъолон ва ҷонибдорони Ҳизби Халқии Демократии Тоҷикистон вохӯрӣ доир шуд
ИМРӮЗ — РӮЗИ УМУМИҶАҲОНИИ ҲИФЗИ МЕҲНАТ. Ба масоили бехатарии меҳнат ва ҳифзи саломатии кормандон таваҷҷуҳи бештар зоҳир мегардад
Ғолиби Фестивали «Сайри гули лола» Сайфиддин Файзиддинов: «Тоҷикон аз қадимулайём гулпарвар буданд»
