Раиси шаҳри Душанбе дар арафаи Рӯзи Ғалаба ба иштирокчиёни ҶБВ кумаки молиявӣ мерасонад
ДУШАНБЕ, 02.05.2018 /АМИТ «Ховар»/. Дар арафаи ҷашни 73-юмин солгарди Рӯзи Ғалаба дар Ҷанги Бузурги Ватании солҳои 1941-1945, Раиси шаҳри Душанбе Рустами Эмомалӣ бо мақсади ҳавасмандгардонии иштирокчиёну маъюбони ҶБВ қарори марбута ба имзо расонд. Дар ин хусус ба АМИТ «Ховар» аз Раёсати иттилоот ва робитаҳои хориҷии дастгоҳи Раиси шаҳри Душанбе иттилоъ доданд.
Гуфта мешавад, ки тибқи ин қарор, Сарраёсати молияи шаҳри Душанбе муваззаф гардидааст, ки аз ҳисоби фонди захиравии Раиси шаҳри Душанбе 720 ҳазору 300 сомонӣ ҷудо намояд. Дар асоси қарори мазкур ба иштирокчиёну маъюбони ҶБВ-и солҳои 1941-1945 ва ҳамсарони ҷанговарони дар ҶБВ ҳалокгардида ба ҳар кадоме 1500 сомонӣ кумаки якдафъаина расонида мешавад. Инчнуин ба шахсони дар давраи ҶБВ дар ақибгоҳ бо ордену медалҳои ҳарбӣ сарфарозгардида, шахсони дар давраи ҶБВ дар ақибгоҳ коркарда, маъюбони амалиёти ҷангӣ дар қаламрави давлатҳои дигар (Афғонистон), маъюбони садамаи Нерӯгоҳи барқӣ-атомии Чернобил ва оилаҳое, ки саробони онҳо ҳангоми ҳимояи сохти конститутсионӣ ҳалок гардидаанд, ба андозаи 800 сомонӣ кумаки молиявӣ аз ҳисоби фонди захиравии Раиси шаҳри Душанбе расонида мешавад.
Муовини якум ва муовинони Раиси шаҳри Душанбе муваззаф шудаанд, ки то 4 май маблағҳои ҷудогардидаро ба иштирокчиён ва маъюбони ҶБВ, ки дар пойтахт истиқомат мекунанд, зимни аёдати шахсӣ дар манзилҳояшон бо тантана аз номи Мақомоти иҷроияи ҳокимияти давлатии шаҳри Душанбе супоранд. Назорати иҷрои қарори мазкур ба зиммаи муовини соҳавии Раиси шаҳри Душанбе гузошта шудааст.
Дар 4 ноҳияи шаҳри Душанбе намоиш-фурӯши маҳсулоти мавриди ниёзи аввал ташкил карда мешавад
«ҶОМИ РАИСИ ШАҲРИ ДУШАНБЕ». Мусобиқаи кушоди варзишӣ оид ба волейбол байни занону духтарон ҷамъбаст шуд
Дар Душанбе Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мешавад
Дар ноҳияи Шоҳмансури шаҳри Душанбе Озмуни ноҳиявии «Кадбонуи беҳтарин» баргузор гардид
«МОДАР — САРЧАШМАИ МЕҲРУ МУҲАББАТ». Дар Душанбе Рӯзи модарро ботантана таҷлил намуданд
Иҷлосияи панҷуми Маҷлиси вакилони халқи шаҳри Душанбе, даъвати ҳафтум баргузор мегардад
Маросими қадршиносии беҳтаринҳо дар соҳаҳои кор бо ҷавонон ва варзиши шаҳри Душанбе баргузор гардид
МОДАР — САРЧАШМАИ МЕҲРУ МУҲАББАТ. Дар ноҳияи Шоҳмансур ҳамоиши идонаи фарҳангӣ – фароғатӣ доир шуд
УФУҚҲОИ ДӮСТӢ. Муносибатҳои бародаршаҳрӣ байни Душанбе ва Боку тақвият меёбад
«ЗАН-МОДАР — ПАЙВАНДГАРИ НАСЛҲО». Дар Душанбе ҳамоиши маърифатӣ — фарҳангӣ доир гардид
«БАРОИ ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон доир гардид
«САЙРИ ГУЛИ ЛОЛА». Дар Душанбе таҳти чунин унвон Фестивали гулҳо баргузор мегардад
