БӮРЁКӮБОН МУБОРАК! Волидайни тифли 9-миллиона ба манзили нав кӯчиданд
ДУШАНБЕ, 04.06.2018 /АМИТ «Ховар»/. Имрӯз волидайни тифли 9-миллионаи Ҷумҳурии Тоҷикистон ба манзили нави худ, ки дар яке аз биноҳои навбунёди истиқоматии ноҳияи Исмоили Сомонӣ, дар суроғаи хиёбони Рӯдакӣ, хонаи 130, ҳуҷраи 17 воқеъ гардидааст, кӯчиданд. Оилаи хуштолеъро намояндагони мақомоти иҷроияи ҳокимияти давлатии шаҳри Душанбе ва наздикону пайвандон ҳамроҳӣ намуданд.
Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд, тибқи қарори Раиси шаҳр Рустами Эмомалӣ ба волидайни ин тифлаки хуштолеъ дар маркази пойтахт хонаи сеҳуҷрагӣ ҷудо гардида, навхонадорон бо тамоми ашёи рӯзгор таъмин карда шуданд.
Хотиррасон менамоем, ки тифли 9- миллионаи Ҷумҳурии Тоҷикистон соати 06:30-и субҳи 26 майи соли 2018 дар Муассисаи давлатии «Таваллудхонаи №1-и шаҳри Душанбе» ба дунё омада, модари тифл сокини шаҳри Душанбе Назира Муллоҷонова мебошад. Вазни духтарча 3 килограмму 600 грамм буда, қадаш 51 сантиметр мебошад. Ҳолати кўдаки навзод ҳангоми таваллуд аз ҷониби мутахассисон аз рўи ҷадвали Апгар 8/9 хол баҳо дода шудааст.
Калиди хонаи нави сеҳуҷрагӣ ба волидайни ин тифл дар асоси дастури Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз ҷониби намояндагони мақомоти иҷроияи ҳокимияти давлатии шаҳри Душанбе дар фазои тантанавӣ ҳанӯз дар таваллудхона тақдим гардида буд.
Назира Муллоҷонова дар Агентии меҳнат ва шуғли аҳолӣ ба ҳайси мутахассис фаъолият мекунад. Фарзанди дуюми ӯ аҳолии кишварро ба 9 миллион нафар расонид.
Волидайни тифл ба хонаи нави худ кӯчида, ба Пешвои миллат муҳтарам Эмомалӣ Раҳмон ва Раиси шаҳри Душанбе Рустами Эмомалӣ барои таваҷҷуҳу ғамхорӣ ва туҳфаи арзишманд арзи сипос намуданд.
Даври шаҳрии Фестивал-озмуни ҷумҳуриявии «Як матову сад ранг» баргузор гардид
Дар Душанбе даври шаҳрии Озмуни ҷумҳуриявии «Кадбонуи беҳтарин» баргузор шуд
СОКИНИ ПОЙТАХТ БУДАН ИФТИХОР АСТ! Имрӯз Душанбе гаҳвораи тамаддуни миллати тоҷик гардидааст
Душанбе бо зебоӣ ва тароваташ байни сокинон ва сайёҳон ҳамчун «шаҳри гулҳо» маъруф аст
РӮЗИ ПОЙТАХТ. Душанбе маркази ташаккул ва рушди кластерҳои инноватсионӣ мебошад
ДУШАНБЕ — ШАҲРИ СУЛҲУ СУБОТ ВА ВАҲДАТИ МИЛЛӢ. Иқтибосҳо аз суханрониҳои Президенти Тоҷикистон ба муносибати Рӯзи пойтахт
Фарҳод Раҳимӣ: «Рушди шаҳри Душанбе дар замони муосир ва нақши Раиси шаҳр муҳтарам Рустами Эмомалӣ дар шаклгирии фазои иҷтимоӣ ва маънавӣ»
ЧУ ДИЛ ДАР СИНААМ ҶОӢ, ДУШАНБЕ… Симои пойтахти Тоҷикистон ба таври шинохтанашаванда дигаргун шудааст
ДУШАНБЕ — ШАҲРИ «САБЗ». Дар пойтахт давоми 9 соли охир зиёда аз 130 миллион дона гули мавсимию бисёрсола шинонида шудааст
НАҚШИ РУСТАМИ ЭМОМАЛӢ ДАР ТАШАККУЛИ СИМОИ НАВИ ПОЙТАХТИ ТОҶИКИСТОН. Ба Рӯзи пойтахти Ҷумҳурии Тоҷикистон бахшида мешавад
Пагоҳ дар Душанбе ниммарафони XVI байналмилалӣ баргузор мегардад
ДУШАНБЕ — ШАҲРИ ҲУШМАНД ВА БЕХАТАР. Ба Рӯзи пойтахти Ҷумҳурии Тоҷикистон бахшида мешавад
