Дар Душанбе дурнамои ҳамкорӣ байни Ҷумҳурии Тоҷикистон ва Созмони байналмилалии мудофиаи гражданӣ баррасӣ гардид
ДУШАНБЕ, 22.06.2018 /АМИТ «Ховар»/. 21 июн дар ҳошияи Конфронси байналмилалии сатҳи баланд бахшида ба Даҳсолаи байналмилалии амал «Об барои рушди устувор, солҳои 2018-2028» дар Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо Котиби генералии Созмони байналмилалии мудофиаи гражданӣ (International Civil Defence Organisation) Владимир Кувшинов, Сафири Фавқулода ва Мухтори Федератсияи Россия дар Ҷумҳурии Тоҷикистон Игор Лякин-Фролов ва дигар созмонҳои хориҷии дар Тоҷикистон ҳузурдошта мулоқот доир гардид.
Дар ин бора ба АМИТ «Ховар» сухангӯи Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Умеда Юсуфӣ иттилоъ дод.
«Дар ҷараёни мулоқот ҷонибҳо дар мавриди ҳамкории дуҷониба ва бисёрҷониба дар доираи ташкилотҳои байналмилалӣ таваҷҷуҳ зоҳир карда, як зумра масъалаҳои барои ҷонибҳо манфиатдорро муҳокима намуданд. Ҳамчунин дурнамои ҳамкорӣ байни Ҷумҳурии Тоҷикистон ва Созмони байналмилалии мудофиаи гражданӣ дар самти омода ва бозомӯзии мутахассисони соҳа мавриди баррасӣ қарор гирифт»,-иброз намуд Умеда Юсуфӣ.
Ёдовар мешавем, ки Созмони байналмилалии мудофиаи гражданӣ яке аз ташкилотҳои пурнуфузи байналмилалӣ буда, маркази он дар шаҳри Женеваи Швейтсария ҷойгир аст.
Бо мақсади пешгирии ҳодисаҳои ғарқшавӣ дар шаҳру ноҳияҳои Тоҷикистон корҳои фаҳмондадиҳӣ гузаронида мешаванд
Имрӯз дар Тоҷикистон ҳавои тағйирёбанда дар назар аст
Гурӯҳи корӣ бо истифодаи самараноки заминҳои наздиҳавлигӣ дар Деҳободи ноҳияи Шаҳринав шинос шуд
Ҳизби Халқии Демократии Тоҷикистон дар 7 ҳазору 336 сохтори давлатӣ ва коргоҳу корхонаҳо ташкилоти ибтидоӣ дорад
Аз ҷониби Бонки миллии Тоҷикистон лоиҳаи «Низоми ягонаи суғуртаи электронӣ» таҳия карда мешавад
Имрӯз дар Тоҷикистон баландшавии ҳарорати ҳаво дар назар аст
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
Ҳаҷми умумии истеҳсоли маҳсулот дар ноҳияи Кӯшониён ба зиёда аз 1 миллиард сомонӣ расид
