Дар маҳаллаи “Бадахшон 2”-и шаҳри Душанбе майдончаи варзишӣ мавриди истифода қарор гирифт
ДУШАНБЕ, 23.06.2018. /АМИТ «Ховар»/. Дирӯз Кумитаи рушди сайёҳии назди Ҳукумати Ҷумҳурии Тоҷикистон дар маҳаллаи “Бадахшон 2”-и ноҳияи Шоҳмансури шаҳри Душанбе майдончаи варзишии замонавиро ба истифода супорид.
Тавре ба АМИТ «Ховар» аз Кумитаи мазкур хабар доданд, дар маросими кушодашавии майдончаи варзишӣ муовини Раиси шаҳри Душанбе Мавсума Муинӣ, раиси Кумитаи рушди сайёҳии назди Ҳукумати Ҷумҳурии Тоҷикистон Нуъмон Абдуғаффорзода ва дигар шахсони расмӣ ҳузур доштанд.
Меҳмононро дар даромадгоҳи майдонча волонтёрҳои назди Кумитаи рушди сайёҳии назди Ҳукумати Ҷумҳурии Тоҷикистон бо забонҳои хориҷӣ хайрамақдам гуфтанд.
Сохтмони майдончаи мазкур дар давоми 3 моҳ бо харҷи 540 ҳазор сомонӣ сохта шуда, масоҳати умумиаш 720 метри квадратиро ташкил медиҳад. Иншооти мазкур аз майдончаҳои футбол, волейбол, баскетбол ва ташноб иборат мебошад. Ҳамзамон дар шафати майдончаи варзишӣ гулгашти зебое бунёд гардида, дар он баҳри дилхушии кӯдакону наврасон шароити зарурӣ фароҳам оварда шудааст.
Дар дохили майдончаи варзишӣ намоиши ҳунарҳои мардумӣ ташкил карда шуд, ки меҳмонону сокинони маҳаллаи мазкур аз он дидан намуданд.
Муовини Раиси шаҳри Душанбе Мавсума Муинӣ ба сатҳи корҳои анҷомёфта баҳои баланд дода, зикр намуд, ки иншооти мазкур ба наврасони маҳаллаи Бадахшони ноҳияи Шоҳмансур дар арафаи ҷашни Ваҳдати миллӣ туҳфаи арзанда мебошад.
Раиси Кумитаи рушди сайёҳии назди Ҳукумати Ҷумҳурии Тоҷикистон Нуъмон Абдуғаффорзода аз кумаку ғамхориҳои Ҳукумати кишвар, хосса Пешвои миллат муҳтарам Эмомалӣ Раҳмон нисбат ба насли наврас ва саҳми арзандаи Раиси шаҳри Душанбе Рустами Эмомалӣ дар рушди тарбияи ҷисмонӣ ва тақвияти тарзи ҳаёти солим дар ҷомеа ёдовар шуда, иброз дошт, ки ин ҳама ба шарофати сулҳу субот дар кишвар ба вуқӯъ мепайвандад.
Қобили зикр аст, ки майдончаи варзишии мазкурро Кумитаи рушди сайёҳӣ дар ҳамбастагӣ бо ширкатҳои сайёҳии ватанӣ бунёд намуд.













Бахшида ба Рӯзи Президент дар пойтахт хатсайрҳои сайёҳии маърифатӣ ташкил карда шуданд
РӮЗИ ПРЕЗИДЕНТИ ТОҶИКИСТОН — РӮЗИ АРҶГУЗОРӢ БА МЕЪМОРИ СУЛҲУ ВАҲДАТИ ТОҶИКОН ДАР АРСАИ ҶАҲОНӢ. Андешаҳо дар ин маврид
Дар Фестивали сайёҳӣ дар Покистон ҳунарҳои мардумӣ ва дастовардҳои Тоҷикистон муаррифӣ гардиданд
Доир ба ҳолати пиряхҳои Тоҷикистон дар шароити тағйирёбии иқлим машғулияти илмӣ баргузор шуд
Дар нуҳ моҳи соли 2026 ба Тоҷикистон беш аз 1,5 миллион сайёҳ ташриф оварданд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
Ҳайати Тоҷикистон дар Намоишгоҳи байналмилалии сайёҳии WTM дар Лондон иштирок дорад
Иқтидорҳои сайёҳии Тоҷикистон дар Намоишгоҳи байналмилалии сайёҳии «World Travel Market — 2026» дар шаҳри Лондон муаррифӣ мешаванд
Дар нуҳ моҳи соли 2026 беш аз 15 ҳазор аъзои иттифоқи касаба ба солимгардонӣ фаро гирифта шуданд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Имкониятҳои сайёҳии Тоҷикистон ба гардишгарони ҳавзаи Шурои ҳамкории кишварҳои арабии Халиҷ муаррифӣ гардиданд
Дар Дарвоз Конференсияи байналмилалии «Сайёҳии устувор ва рушди зеҳни сунъӣ дар шароити муосир» баргузор шуд






