«Дар рушди сайёҳӣ ва ҳунарҳои мардумӣ ҳар яки мо саҳми босазо гузошта метавонем!» — бардошт аз конфронси илмӣ-назариявӣ дар шаҳри Ваҳдат
ВАҲДАТ, 30.06.2018. /АМИТ «Ховар»/. Дар Коллеҷи омори шаҳри Ваҳдат бахшида ба Соли рушди сайёҳӣ ва ҳунарҳои мардумӣ ва Даҳсолаи байналмилалии амал «Об барои рушди устувор», солҳои 2018-2028 таҳти унвони «Тоҷикистон кишвари сайёҳӣ ва ташаббускори иқтисоди сабз» конфронси илмӣ-назариявӣ доир шуд.
Тавре хабарнигори АМИТ «Ховар» иттилоъ медиҳад, дар конфронс омӯзгорону хонандагони Коллеҷи мазкур дар мавзӯъҳои «Рушди туризм ва роҳҳои такмилдиҳии он дар Ҷумҳурии Тоҷикистон», «Ташкили ҳудудии туризм ва дурнамои он дар Ҷумҳурии Тоҷикистон», «Технологияи информатсионии муосир дар рушди туризм», «Ҷавҳари ҳастии оби тоза ва роҳҳои ҳалли он», «Муаммоҳои мушкилоти об дар Тоҷикистон ва роҳҳои бартараф намудани он» ва «Тоҷикистон минтақаи ҷолиби сайёҳӣ» маърӯза карданд.
Маърӯзачиён аз ҷумла, зикр карданд, ки ҳар яки мо бояд моҳияти ташаббуси Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар бораи Соли рушди сайёҳӣ ва ҳунарҳои мардумӣ эълон намудани соли 2018 ва Даҳсолаи байналмилалии амал «Об барои рушди устувор», солҳои 2018-2028 –ро амиқ дарк намуда, дар амалишавии он нақши босазо гузорем.
«Рушди сайёҳӣ ва ҳунарҳои мардумӣ дар мамлакат на танҳо шаҳрвандони моро бо ҷойи кор таъмин менамояд, балки дар тарғиби фарҳангу таърихи бою қадимаи миллати мо ба ҷаҳониён мусоидат менамояд», — афзуданд иштирокдорони конфронс.
Дар фарҷоми конфронс оид ба мавзӯъҳои мавриди назар мубодилаи афкор сурат гирифт.
Агентии хоҷагии ҷангал: «Нисбат ба ҳуқуқвайронкунандагони қонунгузории соҳа ба миқдори 780 санад тартиб дода шуд»
Пагоҳ Вазорати маориф ва илм, Маркази миллии қонунгузорӣ, Кумитаи рушди маҳал, Донишгоҳи славянии Русия ва Тоҷикистон ва Мақомоти иҷроияи ҳокимияти давлатии шаҳри Душанбе нишасти матбуотӣ баргузор менамоянд
Имрӯз дар шаҳри Душанбе ҳаво то 40 дараҷа гарм мешавад
«ШУКӮҲИ ИСТИҚЛОЛ». Таҳти ин унвон дар Хатлон то ҷашни 33-солагии Истиқлолияти давлатӣ чорабинии фарҳангӣ-фароғатӣ доир мешавад
Дар Панҷакент корҳои бартарафсозии оқибати офатҳои табиӣ идома доранд
Имрӯз дар Тоҷикистон ҳаво то 41 дараҷа гарм мешавад
Дар Ҳисор варзишгарони имконияташон маҳдудро барои сазовор гаштан бо медалҳои тилло ва нуқра қадрдонӣ намуданд
Ғулом Ҳалимзода раиси Ҳизби сотсиалистии Тоҷикистон интихоб гардид
«ТОЗАГИИ МАҲАЛ». Дар Душанбе иқдоми экологии «Тозагии маҳал» ва «Тозагии роҳ» гузаронида шуд
