Дар шаҳри Бохтар нуқтаи фурӯши маводи мухаддир ошкор гардид
ДУШАНБЕ, 22.06.2018 /АМИТ «Ховар»/. Ҳафтаи гузашта аз ҷониби кормандони шуъбаи фаврӣ-ҷустуҷӯии Раёсати Агентии назорати маводи нашъаовар дар вилояти Хатлон ҳангоми баргузории чорабиниҳои фаврӣ — ҷустуҷӯӣ дар ҳудуди шаҳри Бохтар шаҳрванд Давлатов Баҳриддин Раҳмонович, зодаи ноҳияи Восеъ, истиқоматкунандаи шаҳри Кӯлоб бо гумони даст доштан дар муомилоти ғайриқонунии маводи нашъаовар дастгир карда шуд.
Дар ин бора ба АМИТ «Ховар» сухангӯи Агентии назорати маводи нашъаовари назди Президенти Ҷумҳурии Тоҷикистон Озода Абдуллозода иттилоъ дод.
Зикр гардид, ки ҳангоми кофтуков аз зери камарбанди дастгиршуда ду адад халтаи полиэтилении шаффоф гирифта шуд, ки дар дохили он 21 грамм маводи нашъаовари навъи афюн пинҳон карда шуда буд.
«Дар ҷараёни азназаргузаронии хонаи истиқоматии Давлатов Б., ки дар шаҳри Бохтар, кӯчаи Н. Ҳувайдуллоев, хонаи 33 ба иҷора гирифта буд, 11 бастаи полиэтилении дигар бо маводи нашъаовари навъи афюн ёфт ва мусодира гардид. Дар боғи наздиҳавлигии хонаи мазкур аз зери замин пакети полиэтиленӣ пайдо карда шуд, ки дар онҳо низ маводи нашъаовари афюн пинҳон карда шуда буд. 50-60 метр дуртар аз пинҳонгоҳи мазкур боз як пакети полиэтилении шаффоф ёфт гардид, ки дар он маводи сахттаъсири навъи героин ҷой карда шуда буд».-хабар дод сухангӯи Агентии мазкур.
Ҳамин тариқ, мутобиқи маълумотномаи шуъбаи экспертизаи судӣ маводи аз Баҳриддин Давлатов мусодирашуда дар маҷмӯъ 4 кг 64 граммро ташкил дод.
Аз рӯи ҳодисаи мазкур парвандаи ҷиноятӣ оғоз карда шуда, нисбат ба гумонбаршуда Давлатов Баҳриддин Раҳмонович тафтиши пешакӣ идома дорад.
Бино ба маълумоти тафтишоти пешакӣ, Баҳриддин Давлатов фурӯши маводи нашъадорро байни донишҷӯён ва ҷавонон ба роҳ монда, мехост аз ин роҳи ҷиноятӣ маблағ ба даст орад.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
