Нақшаи чорабиниҳои мақомоти иҷроияи ҳокимияти давлатии шаҳри Душанбе оид ба омодагӣ ва таҷлили ҷашни 21- солагии Рӯзи Ваҳдати миллӣ тасдиқ шуд

ДУШАНБЕ, 02.06.2018. /АМИТ «Ховар»/. Бахшида ба Рӯзи Ваҳдати миллӣ  бо қарори  Раиси шаҳри Душанбе Рустами Эмомалӣ нақшаи чорабиниҳои мақомоти иҷроияи ҳокимияти давлатии шаҳри Душанбе оид ба омодагӣ ва таҷлили ин ҷашн   ба тавсиб расид.

Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» иттилоъ доданд, нақшаи чорабиниҳо бо мақсади таҷлил намудани ҷашни 21-солагии Ваҳдати миллӣ дар шаҳри Душанбе қабул  ва ба  баланд бардоштани эҳсоси ватандӯстӣ ва ҳувияти миллии сокинони пойтахт равона карда шудааст.

Тибқи қарори мазкур муовинони Раиси шаҳри Душанбе, роҳбари дастгоҳи Раиси шаҳри Душанбе, раисони ноҳияҳои шаҳр , роҳбарони сохторҳои марбутаи дастгоҳи Раиси шаҳр ва мақомоти иҷроияи ҳокимияти давлатии шаҳри Душанбе муваззаф гардидаанд то иҷрои саривақтии нақшаи  мазкурро таъмин намоянд.