«Сулҳу ваҳдати тоҷикон неъмати бебаҳост» — конференсияи илмӣ-амалӣ дар ноҳияи Шоҳмансур
ДУШАНБЕ, 22.06.2018 /АМИТ «Ховар»/. Имрӯз бо ташаббуси мақомоти иҷроияи ҳокимияти давлатии ноҳияи Шоҳмансур бахшида ба 21-солагии Ваҳдати миллӣ дар мавзӯи «Сулҳу ваҳдати тоҷикон неъмати бебаҳост» конференсияи илмӣ-амалӣ доир шуд.
Тавре хабарнигори АМИТ «Ховар» иттилоъ медиҳад, дар конференсияи мазкур намояндагони Маҷлиси Олӣ, вазорату кумитаҳо, Академияи илмҳо, мақомоти ҳифзи ҳуқуқ, раисони шаҳраку маҳаллаҳо, масъулини тарабхонаҳо, иттиҳодияҳои динӣ, марказҳои фароғатӣ, сохторҳои ноҳиявӣ ва воситаҳои ахбори омма иштирок доштанд.
Дар конференсия раиси ноҳияи Шоҳмансур Низом Ҳакимзода зикр кард, ки маҳз бо шарофати сулҳу ваҳдати миллӣ имрӯз Ватани мо ба пешравиҳои зиёд ноил гардида, сол то сол барои мардум шароити зиндагии шоиставу арзанда муяссар мегардад.
Сипас вакили Маҷлиси намояндагони Маҷлиси Олӣ Баҳром Абдуалимов, узви вобастаи Академияи илмҳои ҷумҳурӣ Кароматулло Олимов, муовини якуми Ҳаракати ваҳдати миллӣ ва эҳёи Тоҷикистон Мирзошоҳрух Асрорӣ дар мавзӯи мавриди назар ибрози андеша намуданд.
Маърӯзачиён, аз ҷумла, зикр карданд, ки Ваҳдати миллӣ бо ҷонбозиву талошҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва фитрати халқи сулҳхоҳу матиниродаи тоҷик ба даст омада, ҳамчун рамзи эҳёи миллати куҳанбунёд неъмати бебаҳост. Сулҳи тоҷикон имрӯз ҳамчун таҷрибаи камназир барои барқарор кардани оромӣ дар бисёр давлатҳо мавриди баҳрабардорӣ қарор мегирад. Ин мактаби бузург боиси ибрати ҷаҳониён гаштааст. Имрӯз дар Тоҷикистон ба шарофати сиёсати созандаи Президенти мамлакат Эмомалӣ Раҳмон ваҳдати миллӣ ба пирӯзии комил расидааст. Дар ҳамаи самтҳои ҳаёти ҷамъиятӣ пешравиҳо ба назар мерасанд, иқтисод, илм ва фарҳанг пайваста рушд доранд. Мо бояд дар атрофи Пешвои миллати худ боз ҳам сарҷамътар гардида, неъмати аз ҳама бузурги зиндагӣ — сулҳу оромиро чун гавҳараки чашм эҳтиёт намоем.
Конференсияи илмӣ-амалӣ бо мубодилаи афкори иштирокдорони он анҷом ёфт.
IRS: Дар шоҳроҳи Душанбе — Чаноқ баландии барф то 15 сантиметр мерасад
Дар «Саноатсодиротбонк» ба муносибати Рӯзи Конститутсияи Ҷумҳурии Тоҷикистон ҳамоиш доир шуд
Имрӯз дар ноҳияҳои кӯҳии Тоҷикистон бориши борон ва барф дар назар аст
МегаФон Тоҷикистон U-17-ро дар чемпионати ҷаҳон – 2025 дар Қатар дастгирӣ намуд
Имрӯз дар баъзе ноҳияҳои Тоҷикистон борон меборад
Дар ноҳияи Лахш бо усули «Деҳа ба деҳа» ва «Маҳалла ба маҳалла» суҳбату вохӯриҳо доир гардид
Бахшида ба 100-солагии Омӯзгори хизматнишондодаи Тоҷикистон Хосият Махсумова ҳамоиши илмӣ-маърифатӣ баргузор шуд
Муассисаҳои таълимӣ ва тандурустии ноҳияи Шаҳринав барои давраи тирамоҳу зимистон омода карда шуданд
Имрӯз дар доманакӯҳои Тоҷикистон ҳаво то 20 дараҷа гарм мешавад
АГЕНТИИ ОБУҲАВОШИНОСӢ ОГОҲ МЕНАМОЯД. Аз 2 то 5 ноябр дар Тоҷикистон борону барф пешгӯӣ мешавад
«LONELY PLANET»: Маконҳое, ки дар Тоҷикистон ҳатман бояд онҳоро тамошо кард
САРНАВИШТИ ЗАНИ САЗОВОР. Бахшида ба 100-солагии Омӯзгори хизматнишондодаи Тоҷикистон Хосият Махсумова китоб ба нашр расид
