Тарғиби тарзи ҳаёти солим яке аз ҳадафҳои Вазорати тандурустӣ мебошад
ДУШАНБЕ, 14.06.2018 /АМИТ «Ховар»/. 14 июн дар кўчаи Неъмат Қарабоеви ноҳияи Фирдавсии шаҳри Душанбе майдончаи варзишии замонавӣ мавриди баҳрабардорӣ қарор дода шуд.
Тавре аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба АМИТ «Ховар» хабар доданд, майдончаи мазкур аз ҷониби Вазорат дар ҳамкорӣ бо Мақомоти иҷроияи ҳокимияти давлатии шаҳри Душанбе ба истифода дода шуд.
Ба иттилои манбаъ, дар маросими ба истифода додани майдонча Вазири тандурустӣ ва ҳифзи иҷтимоии аҳолии Ҷумҳурии Тоҷикистон Насим Олимзода, муовини Раиси шаҳри Душанбе Фирдавс Саидзода, раиси ноҳияи Фирдавсии шаҳри Душанбе Ҷамшед Табарзода ва дигарон иштирок ва сухан карданд.
Иншооти мазкур аз майдончаҳои универсалии бозиҳои футбол, волейбол, баскетбол, майдончаи бозию дилхушии кӯдакон иборат буда, масоҳати умумии он 4250 метри мураббаъ мебошад.
Ёдовар мешавем, ки ба истифода додани майдончаҳои варзишӣ дар шаҳри Душанбе бо дастури бевоситаи Пешвои миллат муҳтарам Эмомалӣ Раҳмон сурат гирифта, мақсад аз сохтани онҳо тарғиби тарзи ҳаёти солим ва оммавигардонии варзиш мебошад.
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
Имрӯз дар водиҳои Тоҷикистон ҳаво то 35 дараҷа гарм мешавад
Дар шаҳри Душанбе ҳашари экологии «Тозагии маҳал» гузаронида шуд
Дар Остона ҷаласаи намояндагони аршади Саммити Осиёи Марказӣ-Ҷумҳурии Корея баргузор гардид
Имрӯз дар шаҳри Душанбе ҳаво то 39 дараҷа гарм мешавад
