Ҳунармандони франсуз ва дастаи ҳунарии «Навои Дарвоз» дар Душанбе маҳфили фарҳангӣ меороянд
ДУШАНБЕ, 22.06.2018 /АМИТ «Ховар»/. Дар доираи таҷлили Рӯзи ҷаҳонии мусиқӣ (21 июн) гурӯҳи ҳунармандони машҳури франсуз ба Тоҷикистон меоянд.
Тавре 22 июн зимни нишасти матбуотӣ намояндаи Сафорати Франсия дар Ҷумҳурии Тоҷикистон Этен Лансело ва иҷрокунандаи вазифаи директори Маркази фарҳангии «Бохтар» Сергей Чутко ба хабарнигорон иброз доштанд, чун анъана мисли солҳои қаблӣ Маркази фарҳангии «Бохтар» бо мусоидати Сафорати Франсия дар Ҷумҳурии Тоҷикистон ва шуъбаи фарҳанги мақомоти иҷроияи ҳокимияти давлатии шаҳри Душанбе дар пойтахти Тоҷикистон Рӯзи ҷаҳонии мусиқиро таҷлил менамоянд. Дар ин росто, шоми 30 июни соли равон, соати 19:30 дар майдони «800-солагии Москва»-и назди бинои Театри давлатии опера ва балети ба номи Садриддин Айнӣ бо иштироки ҳунармандони машҳури франсуз Валентин Кластиер ва Стивен Камперман консерти калон баргузор мегардад.
Дар консерт ҳамзамон овозхонҳои дастаи ҳунарии «Навои Дарвоз» таҳти роҳбарии Ҳунарманди Халқии Тоҷикистон Давлат Назрӣ дар назди мухлисон бо шеъру таронаҳои марғуб ҳунарнамоӣ менамоянд.
Бояд тазаккур дод, ки иди мусиқӣ бори нахуст соли 1982 бо ташаббуси вазири фарҳанги вақти Франсия Ҷек Ланг ҷашн гирифта шуд. Баъдтар ин ҷашн марзи Франсияро убур намуда, алҳол дар зиёда аз сад давлати ҷаҳон таҷлил мегардад, ки ҳадафи он дастрас намудани мусиқӣ ба тамоми мардуми сайёра аст.
Дар Тоҷикистон Рӯзи мусиқӣ аввалин бор соли 2003 бо ибтикори Маркази фарҳангии «Бохтар» таҷлил гардида, аз соли 2006 инҷониб таҷлили он ба ҳукми анъана даромадааст.
Дар шаҳри Панҷакент ҷамъоварии картошкаи барвақтӣ оғоз гардид
Дар ноҳияи Мир Сайид Алии Ҳамадонӣ оид ба пешгирии ҳолатҳои ғарқшавӣ корҳои фаҳмондадиҳӣ гузаронида шуд
Имрӯз дар ноҳияҳои алоҳидаи Тоҷикистон борони кӯтоҳмуддат меборад
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид
Дар ноҳияи Ховалинг дар зиёда аз 600 гектар кишти картошка гузаронида мешавад
Имрӯз дар водиҳои Тоҷикистон ҳаво то 38 дараҷа гарм мешавад
Дар Донишгоҳи байналмилалии сайёҳӣ ва соҳибкории Тоҷикистон бахшида ба Даҳсолаи байналмилалии амал оид ба илмҳои яхшиносӣ ҳамоиш баргузор мешавад
Тавсия: барои алоқа дар Узбекистон маблағ камтар сарф мекунем
Дар соҳили Сирдарё барои истироҳату фароғат шароити хуб фароҳам оварда шудааст
Президенти Тоҷикистон ҳамоиши сатҳи олӣ — муаррифии Даҳсолаи байналмилалии барои илмҳои яхшиносӣ (криосферӣ)-ро ифтитоҳ намуданд
Дар Хуҷанд Мусобиқаи ҷумҳуриявӣ оид ба ҷудо байни наврасон ҷамъбаст гардид
Имрӯз дар шаҳри Душанбе ҳаво то 35 дараҷа гарм мешавад
