АМАЛИ РАЗИЛОНАРО МАҲКУМ МЕКУНЕМ! Изҳороти Шӯрои Ҳаракати ҷамъиятии ваҳдати миллӣ ва эҳёи Тоҷикистон дар вилояти Хатлон доир ба сӯиқасд ба ҷони сайёҳони хориҷӣ
ДУШАНБЕ, 31.07.2018. /АМИТ «Ховар»/. Шӯрои Ҳаракати ҷамъиятии ваҳдати миллӣ ва эҳёи Тоҷикистон дар вилояти Хатлон хабарро дар бораи амали ноҷавонмардонаи гурӯҳи хоинони ватан нисбат ба сайёҳони хориҷӣ, ки боиси марги фоҷиавии 4 нафари онҳо – 2 америкоӣ, як ҳолландӣ ва як швейтсаригӣ гаштааст, бо хашму ғазаб ва андӯҳи бузург қабул намуда, ба чунин инсонҳои ҳайвонсифат лаънат мехонад. Дар ин бора дар муроҷиатномаи шӯрои мазкур омадааст. Матни пурраи онро пешниҳоди хонандагон мегардонем.
Ин амали разилона дар Соли рушди сайёҳӣ ва ҳунарҳои мардумӣ ханҷар ба дили фардҳои ба номус задан ва кӯшиши он аст, ки доғ ба номи халқи бошарафи Тоҷикистон биёранд.
Имрӯз халқҳои ҷаҳон ба Тоҷикистону тоҷикистониён боварӣ доранд, бо дили пур, бо умеди орзуи дидан аз мардуми кӯҳантаърих, огаҳӣ ёфтан аз фарҳанги волои он, сарзамини бостонӣ ба диёри мо қадам мегузоранд. Дар чунин ҳолат худобехабарони беору беномус ба обрӯю эътибори мо ватандорон хати батлон зада, дар байни аҳли башар шарманда карданӣ шуданд. Зермаънии ин амал сиёҳкунии Тоҷикистон аст ва онҳо гуфтанианд, ки гӯё ба оромии Тоҷикистон бовар кардан мумкин нест. Хоинон бо нишондоди хоҷаҳои хориҷии худ даст ба чунин амал заданд, вале онҳо ба мақсадҳои худ намерасанд. Тоҷикистон ором аст ва ором мемонад, халқи мо меҳмонро эҳтиром мегузорад, ба дили гарм ба оғӯш мегирад. Ин анъанаи мо, рисолати мардуми мо аст. Онҳое ки ба ин анъанаҳо риоя намекунанд бо мо нестанд.
Халқи Тоҷикистон аз санҷиши иғвоҳои вазнин гузашта, ба имрӯзи фирӯз расидааст ва ягон амал ва қувва мавқеи устувори сулҳҷӯёна, ваҳдатпазирона ва инсонпарваронаи давлату ҳамватанони моро дигар карда наметавонад. Мо ба ояндаи неку амалигардии ормонҳои олии миллиамон бовар дорем ва барои он талош хоҳем кард.
Онҳое ки амали зиштро содир намуда, худ буздилонаю тарсуёна роҳи гурезро пеш гирифтаанд, аз ҷазои боадолатона гурехта наметавонанд. Мо ба кордонию пухтакории сохторҳои дахлдор эътимод дорем ва бовар менамоем, ки гурезпоҳои ҳаромкор дар назди қонун ҷавоб хоҳанд дод.
Мо кулли ҳамдиёрон дар навбати аввал иштирокчиёни Ҳаракати ҷамъиятии ваҳдати миллӣ ва эҳёи Тоҷикистон фаъолонро даъват мекунем, ки дар ин лаҳзаҳои ҳассос мавқеи оштинопазиронаи худро нисбат ба ҳама гуна падидаҳои зиддиҷамъиятии моҳиятан характери экстремистию террористӣ дошта намоиш диҳанд ва ба ҳама гуна бӯҳтону иғво зарбаи марговар зада, аз ҳар вақта бештар дар атрофи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати Ҷумҳурии Тоҷикистон ба хотири ояндаи дурахшони халқамон муттаҳид шаванд.
Шӯрои Ҳаракати
ҷамъиятии ваҳдати миллӣ
ва эҳёи Тоҷикистон дар вилояти Хатлон
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҲАРОРАТИ ГЛОБАЛИИ ҲАВО БА 1,5 ДАРАҶА РАСИДААСТ. Ин ба уҳдадории давлатҳо дар доираи Созишномаи Париж мухолифат мекунад
Президенти Тоҷикистон: «Кишоварзони мамлакат бояд ба масъалаи парваришу захираи тухмиҳои беҳтарин ва ниҳолҳои серҳосил таваҷҷуҳи махсус зоҳир намоянд»
Эмомалӣ Раҳмон: «Се ҷашни миллии мо – Наврӯз, Сада ва Меҳргон аз ҷониби мардуми фарҳангпарвари ҷаҳон пазируфта шудаанд»
«ОЛАМИ ГУЛДӮЗИИ ТОҶИКОН». Ин китоб мероси пурарзиши тоҷиконро ба ҷаҳониён муаррифӣ менамояд
Вобаста ба омодагӣ ба баргузории Конфронси байналмилалии сатҳи баланд оид ба Cоли байналмилалии ҳифзи пиряхҳо ҳамоиш доир шуд
ТАШАББУСИ ТОҶИКИСТОН. Созмони Милали Муттаҳид ба таҷлили Соли байналмилалии ҳифзи пиряхҳо оғоз намуд
Дар Созмони Милали Муттаҳид Соли байналмилалии ҳифзи пиряхҳо оғоз гардид
Масъуд Пизишкиён: «Дар Тоҷикистон эҳсоси ғурбат намекунам»
Эмомалӣ Раҳмон Масъуд Пизишкиёнро ба ҷашни Наврӯз даъват намуданд
НАЗАРИ КОРШИНОС. Робитаҳои Ҷумҳурии Тоҷикистон бо Ҷумҳурии Исломии Эрон бар пояи пайвандҳои таърихӣ асос ёфтаанд
САДА, ИН ПАРТАВИ ХУРШЕДИИ ИСТИҚЛОЛ АСТ! Имсол ин ҷашни бостониро дар Тоҷикистон 25-26 январ ҷашн мегиранд
