Номаи сипоси ҳайати ҳакамони Озмуни XV байналмилалии «Санъати китоб»-и Шӯрои байнидавлатии кишварҳои ИДМ ба Пешвои миллати тоҷикон
ДУШАНБЕ, 06.07.2018 /АМИТ «Ховар»/. Аз номи ҳайати ҳакамони Озмуни XV байналмилалии «Санъати китоб»-и Шӯрои байнидавлатии кишварҳои ИДМ ба унвони Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати Ҷумҳурии Тоҷикистон номаи сипос ворид гардид.
Тавре аз Вазорати фарҳанги Ҷумҳурии Тоҷикистон ба АМИТ «Ховар» хабар доданд, дар матни нома 10 нафар аъзои ҳакамони Озмуни XV байналмилалии «Санъати китоб»-и Шӯрои байнидавлатӣ оид ба ҳамкорӣ дар соҳаи матбуоти даврӣ, нашр, савдо, тавзеҳи китоб ва корҳои ноширии мамлакатҳои ИДМ, ки 29 июни соли 2018 дар Китобхонаи миллии Тоҷикистон сурат гирифт, барои пешвози самимӣ ва сатҳи баланди ташкилу баргузории озмун изҳори сипос намудаанд.
Дар матни нома омадааст, ки «Ҷумҳурии Тоҷикистон барои кори озмун муҳити мусоиди эҷодӣ фароҳам оварда, ба гуфтугӯи пурсамари фарҳангҳо мусоидат кард».
Бояд гуфт, ки аъзои ҳакамони озмуни мазкур намояндагони кишварҳои Россия, Тоҷикистон, Беларус, Қирғизистон ва Қазоқистон буданд. Онҳо ба адабиёти ба озмун пешниҳод намудаи Ҷумҳурии Тоҷикистон баҳои баланд дода, «Донишномаи фарҳанги мардумии халқи тоҷик» -ро, ки аз ҷониби Сарредаксияи илмии энсиклопедияи миллии тоҷик интишор ёфтааст, бо як овоз сазовори Шоҳҷоизаи озмун донистанд.
Мавриди зикр аст, ки соли равон Ҷумҳурии Тоҷикистон раисии Шӯрои байнидавлатӣ оид ба ҳамкорӣ дар соҳаи матбуоти даврӣ, нашр, савдо, тавзеҳи китоб ва корҳои ношириро ба уҳда дорад.
«TAJIKISTAN, UNA CULTURA DA SCOPRIRE». Нашрияи итолиёвӣ доир ба мероси таърихию фарҳангии тоҷикон мақола чоп намуд
Ҷашнвораи ҳаштуми байналмилалии театрҳои лӯхтак «Чодари хаёл» оғоз гардид
Пагоҳ Намоишгоҳи чордаҳуми байналмилалии «Китоби Душанбе» оғоз мегардад
Дар Тоҷикистон филми бо истифодаи зеҳни сунъӣ офаридаи коргардони тоҷик соҳиби ҷоизаи миллӣ шуд
«ТОҶИКИСТОН—КИШВАРИ ЁДГОРИҲОИ НОДИР». Ёдгориҳои таърихӣ ва мероси фарҳангии тоҷикон дар шаҳри Рим муаррифӣ гардиданд
Шералӣ Хоҷазода: «Намоиши осори бостонии тоҷикон дар Осорхонаи тамаддунҳои Рим эътирофи миллат дар арсаи байналмилалӣ аст»
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак оғоз мегардад
«ТОҶИКИСТОН-КИШВАРИ ЁДГОРИҲОИ НОДИР». Дар Рим ёдгориҳои нодири таърихию фарҳангии Тоҷикистон ба маърази тамошо гузошта мешаванд
«Шоҳҷоиза»-и сеюмин Синамоҷоизаи миллии «Тоҷи Сомон» ба филми «Дурахши ахтарон: Ҷомӣ ва Навоӣ» тақдим гардид
Ҷаласаи Шурои директорони киностудияҳои кишварҳои аъзои ИДМ доир шуд
Имрӯз даври чоруми Озмуни ҷумҳуриявии «Илм — фурӯғи маърифат» оғоз мегардад
Радиои «Ҳисори Шодмон» расман ба фаъолият шуруъ намуд
