ШОМИ ФАРҲАНГИИ ТОҶИКИСТОН ДАР ФРАНСИЯ. Давлатманд Холов боз дар саҳнаи Париж ҳунарнамоӣ кард ва фаронсавиҳоро ба ваҷд овард
ДУШАНБЕ, 08.07.2018./АМИТ «Ховар»/. 29 июн дар шаҳри Париж Шоми фарҳангии Тоҷикистон баргузор гардид. Ин барномаи ҷолиб бо ибтикори Сафорати Ҷумҳурии Тоҷикистон дар Франсия роҳандозӣ гардид.
Тавре аз Сафорати Тоҷикистон дар Франсия ба АМИТ «Ховар» хабар доданд, Шоми фарҳангӣ бо мақсади таблиғ ва татбиқи ташаббусҳои Асосгузори сулҳу мваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба рушди сайёҳи ва ҳунарҳои мардумӣ, муаррифии мероси гаронбаҳои таърихию фарҳангии кишвар дар ҳамкорӣ бо Анҷумани тоҷикони Франсия «Равзана» баргузор карда шуд.
Дар ин намоиши фарҳангӣ Ҳунарпешаи халқии Тоҷикистон, роҳбари Ансамбли давлатии “Фалак”-и Кумитаи телевизион ва радиои назди Ҳукумати Ҷумҳурии Тоҷикистон Давлатманд Холов ва устоди Консерваторияи миллии Тоҷикистон Шавқатҷон Оқилов ҳунарнамоӣ ва ширкаткунандагонро ба ваҷд оварданд.
Дар чорабинии мазкур намояндагони вазорату идораҳои Франсия, ҳайати дипломатии кишвари иқомат, гурӯҳҳои тиҷоратӣ, доираҳои илмӣ-фарҳангӣ, инчунин тоҷикони муқими ин кишвар ва дӯстони Тоҷикистон ширкат варзиданд.
Зимни чорабинӣ бо мақсади муаррифии бештари кишварамон мизи миллии тоҷикӣ пешкаши меҳмонон гардида, гӯшаи ҷудогона бо лавҳаю овеза ва аксҳои ҷолиб ба маърази тамошо гузошта шуданд.
Хотиррасон менамоем, ки моҳи октябри соли 2005 зимни сафари кории Президенти Ҷумҳурии Тоҷикистон Эмомалӣ Раҳмон ба Франсия чор нафар ҳунармандони шинохтаи тоҷик — Давлатманд Холов, Абдувалӣ Абдурашидов, Соҳиба Давлатшоева ва Ҳақназар Аловатов бо ордени «Санъат ва суханварии Франсия» мушарраф гардидида буданд. Ин мукофотҳои олиро Президенти онвақтаи Ҷумҳурии Франсия Жак Шерак дар ҳузури Президенти Ҷумҳурии Тоҷикистон Эмомалӣ Раҳмон шахсан ба ҳунармандони тоҷик тақдим намуда буд.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
