ВКД ҶТ ба АМИТ «Ховар»: «Ҷиҳати ба ҷавобгарӣ кашидани қотили Ҳувайдо Тиллозода тамоми чораҳо андешида мешаванд»
ДУШАНБЕ, 25.07.2018. /АМИТ «Ховар»/. Дар иртибот ба маводҳои нашрнамудаи АМИТ «Ховар» ва дигар воситаҳои ахбори омма оид ба куштори ваҳшиёнаи Ҳувайдо Тиллозода, духтарчаи панҷсолаи тоҷик дар шаҳри Серпуховои вилояти Москва, имрӯз Вазири корҳои дохилии Ҷумҳурии Тоҷикистон генерал-полковники милитсия Рамазон Раҳимзода ба роҳбарияти Вазорати корҳои дохилии Федератсияи Россия ҷиҳати таҳти назорати қатъӣ гирифтани рафти тафтиши парвандаи ҷиноятӣ, сари вақт ошкор кардани ҷиноят ва ба ҷавобгарӣ кашидани ҷинояткор барқия ирсол намуд. Дар ин бора ба АМИТ «Ховар» аз ВКД ҶТ хабар доданд.
Хотиррасон менамоем, ки ҷасади Ҳувайдои хурдсол 23 июл дар шаҳри Серпуховои вилояти Москва дар наздикии истгоҳи роҳи оҳан дарёфт карда шуд. Духтарча 22 июл ҳангоми сайру гашт дар саҳни бинои истиқоматӣ, ки дар он оилаи ӯ зиндагӣ мекунад, ғайб зада буд. Субҳи барвақти рӯзи дигар гурӯҳи ҷустуҷӯии ихтиёриён ва кормандони полис бо саги хидматӣ як бастаи варзиширо пайдо намуданд, ки дар он ҷасади тифли ноболиғ буд.
Бино ба иттилои Раёсати кумитаи тафтишотии вилояти Москва, бо гумони содир намудани куштор ва инчунин таҷовуз сокини маҳаллии 28-сола Александр Сёмин боздошт шудааст. Ӯ дар як бино бо оилаи қурбонӣ зиндагӣ мекунад. Дар ҳуҷраи ӯ изи пойафзол ва ангуштони духтарак пайдо карда шуд.
Вазорати корҳои хориҷии Ҷумҳурии Тоҷикистон хабар дод, ки ба Вазорати корҳои хориҷии Федератсияи Россия номаи ёддошт фиристода шуд, ки дар он ҷониби Тоҷикистон аз мақомоти марбутаи Федератсияи Россия даъват намудааст, то тафтиши комили ҷинояти ваҳшиёна, ки нисбат ба ин тифл содир гардидааст, анҷом ёбад ва ба ҷинояткоре, ки чунин кирдори ғайриинсониро раво дидааст, ҷазои сангин дода шавад.
Тавре аз Вазорати корҳои дохилии ҶТ ба АМИТ «Ховар» иттилоъ доданд, 23 июли соли равон аз ҷониби Сарраёсати Кумитаи тафтишотӣ оид ба вилояти Москва аз рӯи ҳодисаи мазкур парвандаи ҷиноятӣ мутобиқи моддаи 105 қисми 2 Кодекси ҷиноятии Федератсияи Россия оғоз гардидааст.
Дар ин самт чорабиниҳо аз ҷониби Вазорати корҳои дохилии Ҷумҳурии Тоҷикистон дар якҷоягӣ бо ВКД Федератсияи Россия шуруъ шудаанд ва ҳоло идома доранд.
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
