Театри лӯхтаки «Афсона» -и Хатлон бори аввал дар Фестивали «Чодари хаёл» иштирок мекунад
ДУШАНБЕ, 22.08.2018. /АМИТ «Ховар»/. Муассисаи давлатии Театри вилоятии лӯхтаки «Афсона» -и вилояти Хатлон бори аввал бо намоишномаи тарбиявии «Подоши амал» дар қатори дигар театрҳои лӯхтаки ҷумҳурӣ Тоҷикистонро дар Фестивали VI байналмилалии театрҳои касбии лӯхтак «Чодари хаёл», ки моҳи октябри соли 2018 дар шаҳри Душанбе баргузор мешавад, муаррифӣ менамояд.
Тавре аз Маркази матбуоти Вазорати фарҳанги Ҷумҳурии Тоҷикистон ба мухбири АМИТ «Ховар» хабар доданд, аҳли эҷоди театри мазкур алҳол намоишномаи тарбиявии «Подоши амал»-ро аз рӯи асари Абдураҳим Абдураҳмонов тамрин карда, маводи саҳнавӣ ва лӯхтакҳоро таҳия менамоянд.
«Ҳунармандони театри мазкур аз иштирок дар Фестивали байналмилалии театрҳои лӯхтак «Чодари хаёл», ки ҳунармандони зиёдро аз кишварҳои хориҷӣ ба ҳам меорад, изҳори қаноатмандӣ карда, барои рушди ҳамкорӣ дар соҳаи фарҳанг онро тадбири беҳтарин арзёбӣ намуданд»,-зикр кард манбаъ.
Боиси зикр аст, ки Фестивали байналмилалии театрҳои касбии лӯхтак «Чодари хаёл» дар ду сол як маротиба доир гардида, дар он театрҳои лӯхтаки Тоҷикистон, Қазоқистон, Қирғизистон, Афғонистон, Россия, Беларус, Арманистон ва дигар кишварҳо бо намоишномаҳои беҳтарин иштирок мекунанд.
Ёдовар мешавем, ки Театри вилоятии лӯхтаки «Афсона» дар оғози соли 2018 дар шаҳри Бохтари вилояти Хатлон ба фаъолият шурӯъ намуд.
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
РӮДАКӢ — ЧАРОҒИ МАЪРИФАТИ МИЛЛАТ. Одамушшуаро насли имрӯз ва фардоро ба омӯхтан ва некӣ кардан даъват намудааст
ШЕЪРИ РӮДАКӢ — ПАЁМИ ДОНИШУ ХИРАД ВА НАКӮКОРИЮ ҶАВОНМАРДӢ. Эҳдо ба Рӯзи Рӯдакӣ
«ҲУҶҶАТИ МИЛЛӢ БА НОМИ РӮДАКӢ БОЯД ГИРИФТ…». Ва ё ҳамзабону ҳаммиллати Устод Рӯдакӣ будан шарафи бузург аст
НАҚШ ВА МАҚОМИ УСТОД РӮДАКӢ. Андешаҳо дар ин мавзуъ
ИМРӮЗ — РӮЗИ РӮДАКӢ. Ба ин муносибат конференсияи байналмилалии илмӣ-назариявӣ доир мешавад
Моҳи октябр Намоишгоҳи чордаҳуми байналмилалии «Китоби Душанбе» баргузор мегардад
Дар Агентии инноватсия ва технологияҳои рақамӣ оид ба тарғиби либоси миллӣ ҳамоиши фарҳангӣ доир шуд
Муассисаи давлатии «Тоҷикфилм» доир ба сарнавишти Борбади Марвазӣ филми ҳунарӣ ба навор мегирад
21 СЕНТЯБР — РӮЗИ БАЙНАЛМИЛАЛИИ СУЛҲ. Бо ташаббуси Тоҷикистон «Даҳсолаи таҳкими сулҳ ба хотири наслҳои оянда» қабул гардид
