ҲАМДУ САНО! Мақомсароёни тоҷик дар Шаҳрисабз ба гирифтани Шоҳҷоизаи Ҳамоиши байналмилалии мақом мушарраф гардиданд
ДУШАНБЕ, 11.09.2018. /АМИТ «Ховар»/. Ҳайати мақомсароён ва коршиносони тоҷик дар аввалин Ҳамоиши байналмилалии санъати мақом, ки 6-10 сентябри соли ҷорӣ дар шаҳри Шаҳрисабзи Ҷумҳурии Ӯзбекистон баргузор шуд, ба гирифтани мукофоти асосӣ — Шоҳҷоиза мушарраф гардиданд.
Тавре аз маркази матбуоти Вазорати фарҳанги Ҷумҳурии Тоҷикистон ба мухбири АМИТ «Ховар» хабар доданд, ҳайати мақомсароёни Тоҷикистон дар ҳамоиши мазкур бо истеъдод ва маҳорати мақомнавозӣ ва мақомсароӣ иштирокчиён ва доварони чорабиниро мафтун намуда, сазовори чунин баҳои баланд гардиданд.
Қобили зикр аст, ки ҳамоиши мазкур бо дастгирии ЮНЕСКО ва ташаббуси Президенти Ҷумҳурии Ӯзбекистон Шавкат Мирзиёев баргузор гардид. Дар расми ифтитоҳи Ҳамоиш Президенти Ҷумҳурии Ӯзбекистон дар радифи вазирони фарҳанги дигар кишварҳо ба Вазири фарҳанги Ҷумҳурии Тоҷикистон Шамсиддин Орумбекзода изҳори сипос намуд.
Дар форуми мазкур қариб 300 нафар мақомсароён, мутрибон, мусиқишиносон ва муҳаққиқон аз 73 давлати дунё ширкат варзиданд.
Директори Академияи мақоми Тоҷикистон, Ҳунарпешаи халқии Тоҷикистон Абдувалӣ Абдурашидов ба ҳайати 11-нафараи ҳакамони Ҳамоиш шомил буд.
Дар доираи Ҳамоиши байналмилалӣ конфронси амалӣ дар мавзӯи «Санъати мусиқии мақом ва мавқеи ӯ дар тамаддуни ҷаҳонӣ», инчунин намоиши асбоби мусиқӣ ва маҳсулоти ҳунарҳои мардумӣ, ки ба санъати мақом вобастаанд, ташкил гардид.
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
Дар Хуҷанд даври шаҳрии Озмуни ҷумҳуриявии «Тоҷикистон— Ватани азизи ман» оғоз шуд
Рӯзҳои кинои Ҷумҳурии Тоҷикистон дар Ҷумҳурии Қирғизистон ифтитоҳ гардиданд
