Мулоқоти Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Беларус Александр Лукашенко
ДУШАНБЕ, 29.09.2018 /АМИТ «Ховар»/. Имрӯз дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Беларус Александр Лукашенко мулоқот намуданд.
Дар суҳбати самимии сарони давлатҳо вазъи кунунӣ ва дурнамои муносибатҳои гуногунҷанбаи Тоҷикистон ва Беларус мавриди баррасӣ қарор дода шуд.
Президенти Ҷумҳурии Тоҷикистон ва Президенти Ҷумҳурии Беларус аз сатҳи хуби ҳамкории ду давлат дар доираи ИДМ ёдовар шуда, натиҷаҳои муваффақонаи ҷаласаи Шӯрои сарони давлатҳои узви ИДМ-ро дар шаҳри Душанбе боз як имконияти дигари таҳкимбахши ин ҳамкорӣ арзёбӣ намуданд.
Аз рушди бемайлони муносибатҳои дуҷонибаи Тоҷикистон ва Беларус дар ҳама сатҳу зинаҳо ва заминаҳои созгори ҳуқуқии онҳо изҳори қаноатмандӣ карда шуд ва доир ба дурнамои муносибатҳои ду давлат дар соҳаҳои иқтисоду тиҷорат, саноат, бахусус саноати коркарди маҳсулоти кишоварзӣ ва робитаҳои илмию фарҳангӣ табодули афкори судманд сурат гирифт.
Ҷонибҳо муҳимияти тақвияти робитаҳои доираҳои корию тиҷоратии Тоҷикистон ва Беларусро барои бунёди корхонаҳои муштарак дар комплекси агросаноатӣ ва истеҳсоли маҳсулоти мавриди ниёзи аввал дар Тоҷикистон таъкид намуданд.
Барои татбиқи нақшаҳои тарҳрезишуда вобаста ба коркарди муштараки маҳсулоти гӯшту шир истифодаи имконияти минтақаҳои озоди иқтисодии Тоҷикистон ва Беларус зарур шумурда шуд ва рафти татбиқи лоиҳаи муштараки бунёди боғҳои дарахтони мевадор дар вилоятҳои Брест ва Гомели Беларус қаноатбахш арзёбӣ гардид.
Дар ҷараёни мулоқот сарони давлатҳо ҳамчунин ба масъалаи густариши робитаҳои фарҳангӣ — гуманитарӣ, таҳким ва тавсеаи фазои иттилоотӣ-фарҳангӣ, мулоқоти доираҳои илмӣ, эҷодӣ ва ходимони санъату адабиёт ва баргузории рӯзҳои фарҳанг дар кишварҳои ҳамдигар таваҷҷуҳи махсус зоҳир карданд.
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд бинои иловагии Беморхонаи клиникии кӯдаконаи вилояти Суғдро ифтитоҳ намуданд
Сарвари давлат Эмомалӣ Раҳмон дар ноҳияи Бобоҷон Ғафуров гимназияи хусусии «Ҳаёт»-ро ба истифода доданд
Пешвои миллат Эмомалӣ Раҳмон 11 иншооти таъйиноти гуногунро дар ноҳияҳои Бобоҷон Ғафуров ва Спитамен ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров ба фаъолияти коргоҳи нави орди ҶДММ «Ирода Инвест» оғоз бахшиданд
Сарвари давлат Эмомалӣ Раҳмон дар ноҳияи Бобоҷон Ғафуров ба фаъолияти коргоҳи истеҳсолии равғани ҶДММ «Анқо-инвест» оғоз бахшиданд
Пешвои миллат Эмомалӣ Раҳмон бо сафари корӣ ба вилояти Суғд ташриф оварданд
Президенти Ҷумҳурии Тоҷикистон Эмомалӣ Раҳмон бо Раиси Маҷлиси миллии Ҷумҳурии Корея Чо Ҷон Сик мулоқот намуданд
Ба Президенти Ҷумҳурии Тоҷикистон Эмомалӣ Раҳмон дани фахрии 9-уми Таэквондо тақдим гардид
Пешвои миллат Эмомалӣ Раҳмон бо унвони Доктори фахрии Донишгоҳи Корея сарфароз гардонда шуданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар Донишгоҳи Корея
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар Ҳамоиши иқтисодию тиҷоратии муштараки Осиёи Марказӣ-Ҷумҳурии Корея
Президенти Ҷумҳурии Тоҷикистон Эмомалӣ Раҳмон дар Ҳамоиши иқтисодию тиҷоратии муштараки Осиёи Марказӣ — Ҷумҳурии Корея иштирок намуданд
